Day 4 17 March (Mon)
Oh... 最後一日... 要返香港喇! 今日0既行程好簡單....
只係去 Siam Paragon 入面0既 Siam Ocean World
睇下魚魚0者..... 唔知點解, 睇書明明話入場費係 450 銖,
仲話有免費雪糕同汽水飲.... 車.... 我都唔記得左食同飲....
咪即係比貴左.... 算啦.....
入面有個室內大水池, 可以坐0係隻玻璃底的小船睇海底世界,
個船長姐姐仲叫我千其唔好伸隻手落水, 因為 d 魚好肚餓喎....
仲比左 d 魚仔我餵佢地, d 魚即刻飛撲去搶食..... 好攪笑....
之後仲好近距離咁見到大鯊魚, 魔鬼魚, 企鵝, 大海龜,
仲有好多好大同不知名0既魚, 0係最後仲有一隻超大八爪魚同
三文魚0既標本添呀....
Siam Paragon 入面仲有個靚仔表演魔術添.... 我都欣賞左一陣
先捨得走...之後就去左距離 Siam Centre 入面 Greyhound 食
馳名0既單骨雞翼同凍檸茶喇!
d 雞翼真係超好味呀.... 好想食多碟,
不過我生飛糍費時食咁多咋, 其實去咁多日曼谷就痛足咁多
日....
不過... 無理由唔食架嘛.... 凍檸茶都好正! d 冰都係檸茶,
所以就算冰溶左本野都唔會變淡.... 點解香港無人學呢? 應該
好受歡迎架喎!!!!
跟住就搭的士返酒店 check out 去機場喇...................... 酒店
門口個哥哥仔日日都幫我截的士, 超好呀!! 我都比左唔少貼士
佢~
個的士司機又係真係超好, 一落車即刻飛撲落車幫我拎行李車,
仲笑哂口同我講 bye-bye ! 無影到佢個樣... 淨係影到佢車牌...
如果曼谷個個司機好似佢咁就好喇!!! 早左成個幾兩個鐘去到
機場, 我又有藉口去 Foot Massage 喇!!! 就0係機場二樓有間
foot massage, 380 銖有半個鐘 shoulder + 半個鐘 foot
massage ! 我又走左去按喇.....今次超舒服, 按腳時我竟然訓
左....
之後上返三樓寄行李, 見到同我同時間黎但係跟團0既朋友,
同佢傾左幾句之後.... 見有時間就去返二樓食野....
成個 trip 無食過冬陰公, 最後0係機場食返次啦... 加多個芒果
糯米飯, 好飽.......
入到閘, 周圍行下, 影下相..... 就上機喇................
值得一提0既係.... 架飛機真係好熱, 一定係無開冷氣.... 而且,
飛機餐超難食!! 好彩我頭先食飽飽0者.......
PS. 返到香港過完關後, 足足等左一個幾鐘頭 D 行李先出, 有
無攪錯呀.... 第二日要返工架嘛!!!!
其他戰利品如下 :
~~~~~~~~~~~~~ 旅程完滿結束, 多謝收看 ~~~~~~~~~~~~~
沒有留言:
張貼留言