一個人的極速曼谷之旅 10 Oct (DAY 1)

日期 : 10 - 12 Oct 2008

去程 : OX203 (0815/0955)

回程 : OX200 (1810/2140)

Hotel : Pullman Bangkok King Power

Package : 新華旅遊 $2699 (未包 tax)



DAY 1 (10 Oct 2008)

4 點幾起身, 朋友車我入機場 (超感動) ... 6 點幾到達機場.......

雖然只係去 3 日, 都帶左大喼... 入面仲有兩個大袋

一見到個牌..... OH NO !!!! DELAY 到 12:30 ...

OX 比左張 $50 coupon for 早餐, 但淨係可以去大家樂... 咁唯

有同朋友齊齊去食早餐啦, 仲未回魂, 完全唔記得影低張 

coupon, 好快就食埋早餐同朋友 say goodbye ..  

由於我太早起身, 我0係 D 椅度訓左一陣 (仲係打橫霸住兩個

位, 用條披肩遮住個樣咁訓) ... 但周圍實在太嘈, 訓左半個鐘就

走左去 pacific coffee 上網, 飲杯野睇下書等左一陣終於比我等

到部電腦, 就上下網同朋友傾計 ...

期間有個伯伯走埋黎用國語問我係咪睇緊經濟, 又話咩美國點

點點, 上海北京香港點點點... 果刻我好驚佢有咩意圖, 我超驚

咁周圍望, 心諗你快 d 走啦...

一邊強顏歡笑咁望住佢, 之後佢就派左張卡片比我, 仲話好高興

同我傾計... 我唔高興呢..

掛住同人傾計上網, 話咁快就差唔多... 唔記得食野添!!!

check-in 時地勤問我要唔要窗口位, 我話好... 點知...

這是窗口位嗎???

無耐就派野食... oh no... 成 1 點喇... 派返個早餐... 真係非常 

bad 囉!

其實真係超級非常唔好味... 但我唔記得左食野... 都唯有食哂

佢啦...

睇下書, 訓一陣, 好快就到喇~~~~~~ yeah ....

因為 delay 左班機, 我 3 天的行程無左半日, 所以0係機場換錢

就算啦...  (都 ok 丫.. 有 4.33)

我個水門海南雞午餐就咁冇左... 水門批發市場, super rich 我

黎唔到啦...

換錢後去左 HAPPY SIM CARD 個鋪頭, 麻煩佢地幫我 Check 

check 張 sim card 仲用唔用得, 點知 expired 左... 唯有買過張

啦.... B199 + 增值 B50 (原來好多架喇... 夠我打左幾個長途電

話同埋本地電話).



一個人都係唔好慳 B50, 乖乖排隊搭的士算啦.... 好長龍.....

個女司機全程講電話, 我就打比我朋友的泰國男朋友 (我朋友 

lee 幾日都會黎見佢個男朋友, 但唔同機唔一齊住),

睇下夜晚會唔會一齊食飯, 不過都係等我朋友黎到先算 ... (我

朋友收工先搭飛機黎)

去到 Pullman 都係 B207 + B70 highway + B50 = B327Check-in 後酒店 bell boy 幫我拎行李, 我就上房先... 

嘩.... 我開頭以為單人房張床會細 d ... 原來都唔係呀.......... 

正 !!!

見到個電視有我個名.. 好貼心呀...

好好訓的大床...

仲有 welcome fruit :

浴室 :

好香的浴鹽呀 :

仲有好 cute 的小豬陪沖涼 :

可以望出房 :

好, 跟住就換件衫.... 已經 5 pm 喇..

本來 lee 個時間我應該0係沈拼, 夜晚去 "又話啦" (china town) 

食 T & K ..

不過去到沈拼 d shop 都收工... 

唯有去 Suan lum night bazaar (現已結業啦)!!

首先去醫肚先....

獅蚶... 超好味道, 最快比我食哂..

炒雜菜, 都 ok 啦... 我鐘意食菜呀~

生蝦, 我好鐘意食, 雖然有 12 隻仲冇人同我爭...不過麻麻地 !

燒大蝦, 都 ok 啦... 唔係特別好味...

黎返個大合照先... 一個人最慘就係食野啦... 我不知幾辛苦先

食左 9 成呀!!!

食到好飽好飽 (真係差 d 行唔郁啦), 行下街散下步先...

波波燈, 好靚...

lee 隻燈都好靚, 買左個紫色..

仲買左幾對拖鞋, 都冇咩野買0既.... 返酒店 lu ...

咦... 有張字條同有朵花0係床上面...

比我感覺好好呀..

之後就搭的士去左 EGV 入面間 BIG C 掃貨啦...

入面真係好大好大...

D 雞蛋粉紅色咁靚0既???

買公仔麵, 買野飲, 買冬陰公, 買紫菜.... 好快架車仔就比我裝到

滿哂... 哈... 我次次行超級市場都係咁架....

比完錢, 我右手拎住一箱公仔麵, 左手拎住兩大袋野落樓, 見到

架篤篤向我揮哂手... 就即刻上車啦..

返到酒店, 朋友打電話黎話到左曼谷, 同男朋友仔 + 朋友去打

羽毛球問我去唔去, 我眼訓到死.. (朝早 4 am 起身呀)..  梗係唔

去啦....  影埋 D 戰利品先 :

send sms 比各好友報平安, 跟住敷返個 mask 浸返個浴就訓

覺 lu ...

<第一天完>