一個人的極速曼谷之旅 11 Oct (DAY 2)

DAY 2 (11 Oct 2008)


一起身發現自己冇除 con 訓覺.... 真係.... 邊個夠我笨!!

拿拿林換衫梳洗落去食早餐先... 都好多野食呀!!

我食左 :

全部都好好味呀....

跟住我就諗住行出銀行換錢啦, 點知冇開到... 有架篤篤走埋黎

問我去邊, 我話去翟道翟, 佢開我 B200 ... 傻架... 跟住酒店 D 

保安幫我截左架的士, 猜 meter ! 

0係架車上面佢問我係咪日本人, 又問我係咪新加坡人... 又問

我點解一個人...  我唯有呃佢話我同朋友黎, 不過朋友去左 

shopping centre 行街唔同我一齊啦... (一個人都係小心 d 好) 

佢都好好傾, 又問我識唔識講泰文, 我黎黎去去都係識果幾個單

字, 佢都話我講得好0岩.. 佢仲教我講左一句.... 我講完之後佢

大笑............

我問佢係咩意思... 佢話係 "我鐘意你呀"   -_____-"

有少少塞車, 去到 B90 到, 我比左 B100 佢, 佢好開心咁同我

講  "Have a nice shopping" ..

去到翟道翟見到個兌換都唔差 (有 4.3 架), 算啦, 0係度換埋 d 

錢算數... 費時唔夠錢用..

周圍行, 真係好鬼熱, 個人呆下呆下咁...

見到有 Mango Tango :

杯野一 d 都唔好飲... 再行過 ....

我都整左個, 老闆娘計左數話我聽幾錢, 佢找多左 B20 比我喎, 

我話比佢聽, 佢話 "DISCOUNT" ... 咁好0既....冇記錯好似係 

B250-B270 到.. 

再周圍行 :

OH.... 好勁呀!!!!

我都買左杯..... 真係幾好味架喎!!!

行呀行下... 真係好鬼熱... 相都冇心機影...

又驚比人鬧喎...

見到有雪糕賣... B10 咋...

翟道翟的戰利品 :

B20 一對, B50 三對, B100 七對

B100 一條, B240 三條

B10 個

B100 

唔記得左幾錢..

B20 支

B250 個, 好貴... 但朋友叫我揀隻靚杯比佢做手信.. (真係大整

蠱!!!) 佢都話好鐘意.. 值得0既~

好....唔覺唔覺行到 3 點幾啦... (午餐都冇食) 

搭的士走人~~~~~~~

上到的士先發現好肚餓, 但又趕時間去沈拼....

就0係返去酒店0既路口叫的士司機放低我, 見到有間小店.... 

唔理啦~ 有野食就算... 

手指指揀左 d 魚蛋, 豬肉咁...

又幾好味喎.... B25 咋~

之後就行返酒店沖涼換衫 (去完翟道翟真係一定要沖涼, 好熱) 

去沈拼... 果陣都大約 4 點幾五點啦... 的士仲要塞車...

坐左起碼大半個鐘終於都到左... 其實我唔識行, 亦唔識路.. 只

係見到 D 鋪就入去.. 主要係想買耳環..

LEE 間鋪超多耳環, 忍唔住影張相, 即刻比人望住... 佢地仲即

刻講野, 後黎有個女仔跟住我尾, 仲問我係咪買黎做生意,

我話唔係呀... 我自己用架.... 揀左幾對.. 佢地開始熄燈.... 唯有

走啦...

之後 d 鋪頭都冇咩特別... 我又口喝, 去左 7-11 ... 買左支益力

多味的野飲.. 好味!

仲有好多紫菜, 2 個杯麵...

跟住去左 T & K 食海鮮...今餐同朋友同佢0既泰國男朋友一齊

食~

生蝦.. 超正!!!

苦瓜苗, 好好味 !

燒蝦, 好味!

最愛獅蚶, 正!!!

跟住去買榴槤食... 好好味呀!!!

再去水門街買雞飯返酒店食 :

見到隔離有芒果糯米飯, 又買埋 :

朋友佢地去飲野, 我就一個人返酒店, 又見到有新紙條 :

仲有 cookies :

食埋就執行李 lu, 預備第二日返香港............... (好唔捨得呀)

沉拼的戰利品:

兩日加埋都唔係好多咋 :

梗係啦... 都未去買 naraya 袋 同女士的好朋友...

執完之後就訓覺喇...  

DAY 2 完...