我只係比錢買機票 (仲要由深圳出發), 酒店果 d 都係主人家安排, 所以今次去上海都好抵呀...
好啦, 去片~~
深圳機場都冇咩特別, 不過果日落雨, 遲我地班機少少0既親戚0係機場滯留左七個鐘班機先起飛, 勁陰公...
一到機場就見到世博0既吉祥物 - 海寶, 之後五日都不停見到佢, 見到怕...
好快到左酒店 (因為我上的士就訓著左, 醒0既時候已經到左)
房間好細, 不過都無所謂啦... 因為世博關係, 上海實在太多旅客啦...有得住已經算係咁啦....
放低行李都大約四點, 男友家人留0係酒店休息, 我地就決定出去行下 ...
買左部新相機 (女朋友一號), 亂咁 set d mode 黎試下....
行左陣搵地方食野, 諗住黎到上海食小籠包, 之後五日不停食... (2013年補充: 到而家都唔想食上海菜) 哈哈 ....
0係酒店附近望到東方明珠, 我地好白痴咁向住黎行, 點知中途問人先知要過江...
見到海寶啦...
一場黎到, 梗係要上明珠度欣賞風景, 明珠係逐層收費0既, 我地選左上兩層, 每人一百蚊啊...
我最鐘意 lee d 透明玻璃地板, 雖然係高空 400 多米, 但我一 d 都唔驚架~ 我地真係見到有 d 人拉住慘叫同尖叫0既人, 佢地真係唔敢行埋去..
唔覺唔覺都0係明珠度睇左個幾兩個鐘... 由明珠落返地下已經天黑了...
夜晚0既明珠同日頭影0既感覺唔同, 不過我兩種都鐘意!!
0係明珠隔離有一個水族館, 我係超級鐘意行水族館呢...
0係未去上海之前我已經同男友話要抽時間去, 所以我地就馬上過去啦...
沿路0既建築物 :
好特別的車 (唔知係咪巴士呢) :
到啦...
雖然距離閉館只剩下一小時, 但我同男友都決定入場呢...
我好鐘意咁近距離望住 d 鯊魚.... 唔知佢望住我地人類又有咩
感覺呢?
表情好特別, 唔知點解我覺得佢個樣有 d 王祖藍...
點少得大海龜呀..
hehehe... 睇完水族館真係好開心呢... 希望以後可以去更多唔
同0既水族館啦!!
沒有留言:
張貼留言