因為要去翟道翟!! 0係酒店食飽飽先
津 bi 原來未試過豬肉鬆送粥, 好好味架!
食完出返酒店個魚池度探下 d 魚魚... 魚魚, 我兩年前黎過, 仲
有餵過你地架!
上次黎池邊未有這個 cake counter
好啦.... 出返去酒店大堂搭的士出發!
翟道翟真係好大好大, 有成萬個檔口....
我都有同津津講, 睇0岩就要買啦...
唔係都好難返去搵返果檔口....
因為落雨, 我冇帶相機去, 只係用 iphone 影少少相...
好 cute 的容器, 不過冇買...
津津第一次行, 梗係要幫佢影返張相留念!
行到兩點幾, 要坐低休息下~ 隨便搵左間小檔口食野~
lee 碗豬肉魚蛋粉好好味呀~ HKD8 都唔洗!
之後我同津津繼續買買買買....
我地買左 D 香薰油啦, 香薰爐啦, 蠟燭, T-shirt, 拖鞋, 連毛巾都
買埋!!!!
兩個女仔買野買到好興奮, 買左浮水蠟燭但諗起屋企冇野放個
蠟燭喎... 於是又即刻買個碗囉....
如果有男人0係身邊肯定連個蠟燭都無機會買... 
我地買到一袋二袋, 好彩賣毛巾的老闆比左個大膠袋我地放哂
入去...
女仔真係感性0既動物! 我同津津見到有泳衣賣, 突然間好想游
水...
於是我地即刻揀左套, 又發現無短褲仔喎, 即買!!!
跟住拿拿林返酒店換衫去游水!! 好即興, 好開心 !!
(其實果陣我地已經行左 7 個鐘!!!
女人購物起上黎真係戰鬥力驚人呀!)
津津游完水, 我浸完水之後就換衫出發去唐人街食飯~~
到達 T & K, 雖然係街邊檔, 但味道唔錯架!!
先黎生蝦!!
(後來再食多碟)
炒苦瓜苗
獅蚶!
蠔仔蛋, 幾好味!
燒蟹
唔記得同燒大蝦影獨照... 拎返上次影張相先...
兩個女仔食咁多野, 係咪好 crazy 呢~~~
正!
生蝦真係好大隻!!
我地仲飲左 3 支啤酒... 食海鮮飲啤酒, 真係寫意
之後再去買埋榴槤, 就搭篤篤返酒店!
買左細細份, 返到酒店食唔落, 變左第朝早餐!
又一張新的字條!
第二日就要返香港喇.... 要執行李~
0係翟道翟買0既大浴巾, 超靚!! HKD40 一條!
兩日買左0既野... 哈哈... 明明拎果陣覺得好多好重...
執野時就覺得唔算多!
執完就訓覺 LU~
沒有留言:
張貼留言