所以第三日就走喇~
都係大約 8 點幾起身, 落樓食早餐!
當然又食我鐘意0既肉鬆粥! (我個人真係專一)
配多兩件格仔餅~ (又中又西!)
check out 放低行李, 出發去 Siam Paragon 買女人恩物
(內衣呀) 
我個人喜歡 BSC 這個品牌, 每次去 bkk 都會大手掃一堆....
所以我已經好多年無0係香港買過內衣啦....
今次都買左成堆.... 不過返黎咁多日連個包裝都未拆....
買完 bra bra 就落去超級市場掃手信...
途中比我見到我鐘意左好耐0既 Melissa 鞋.... 忍唔住買埋!
個 sales 行開左, 等左佢成 10 mins 先返, 攪到我同津津少左時
間掃手信,一落到超市我同津津一人一架車, 好多野都唔睇價錢
就掉落架車度!!!
(當然係見細細包本土零食啦) 講真, 真係好鬼 high !!
買完我地跳上 TAXI 返酒店! 點知................ 又塞車!!!!
!!!!!!!!!
我上次就係塞左好耐攪到我要搭電單車...
今次都係廢事搏.... 塞左 D 錢比個的士司機我就同津津跳車搭
BTS !
返到酒店拎埋行李就出發去機場!!
去到機場....我地 D 行李........
話說出發前我已經講左帶津津 shopping,
不過津津唔覺得自己會有野買仲話佢會 "禁" 住我等我唔洗買
咁多野...
結果.... 佢買得仲多過我呀~~~~~~~~~~~
梗係太掛住禁住我禁唔到自己!!!!
太瘋狂... 我係魔鬼領隊
坐低整理下行李之後, 我都唔算多野0者....
(自辯時間 : 個大行李箱入面有成 5 條毛巾架..
同埋我連鞋盒都帶埋返香港囉
)
)
check-in 左之後我地先食 lunch!
我叫左杯 Mojito, 第一次飲... 覺得麻麻地..
叫左碟炒粉, 勁好味!
仲有豬頸肉都好好味!
我無心偷聽人講野, 不過隔離台 4 個香港女仔講0既廣東話比
較入耳..
佢地一坐底就講下淨返幾多錢, 要用計數機計下夠唔夠食
飯......
(其實唔夠 cash 咪簽卡囉, 都返香港, 對自己好 d 嘛)
仲話 "本來仲諗住用剩 D 錢換返港幣, 點知會用哂 D 錢"
(好有同感)
)
我地兩個女仔買野都咁開心, 四個女仔應該更加瘋狂!!
食飽飽退完稅買埋芒果糯米飯就上機!
我實在受唔到冷冰冰的硬飯團....
(但我有食哂 d 凍豬肉盡量唔浪費咁多囉)
跟住就拎出我自備的飛機餐!
其實入到禁區買的糯米飯無出邊咁好味..
我上次早左好多到機場, 周圍行0既時候買過這間 cafe 0既芒果
糯米飯, 係好味好多架! 芒果都大個 d !
最後分享下最後一日0係曼谷0既戰利品,
大部份係超市狂掃0既...
byebye bangkok, 希望好快我又再黎啦 ~
沒有留言:
張貼留言