糖糖一人遊泰十日之清邁潑水之旅 (Day 1)

幸運地勝出了一個比賽, 
得到了旅遊現金劵及兩晚清邁的酒店, 

就是這個比賽, 
令去過很多次曼谷但從未踏足過清邁的糖糖展開一連十天

的清邁曼谷十天潑水之旅啦!! 

亦因為這個旅行, 我愛上清邁啦~~ 

第一次搭泰航, 感覺很不錯, 最重要當然是準時! 

(上次坐泰國東方 delay 了 四個鐘的慘痛經歷真的很難忘)

飛機餐比 OX 好多了~~ 

不過

難道已預告了我這個旅行將會吃到蟲蟲大餐? 

將近降落時空姐會送上鮮花一朵 

可能心情太興奮, 轉眼間就到左曼谷!! 

第一次要轉機再去第二度!! 

轉內陸機要先入境, 我去清邁都係坐泰航, 行李當然幫我轉埋~

入境時見到個女海關拎支水槍出黎射個小朋友, 

跟住個小朋友又拎返支水槍射返個海關, 

大家都0係度哈哈笑 

由於要等兩個多小時先轉機, 於是去 food court 坐下.

周圍行下磨下終於消磨左兩個幾小時~ 又上機啦! 

0係等轉機時遇到一對香港老夫婦, 
佢地同我一班機由香港到曼谷, 

亦同一班機由曼谷去清邁, 佢地唔識英文又唔識泰文, 

到清邁探個朋友一日就返曼谷玩下!! 

到達清邁佢地都跟住我行, 我陪佢地拎哂行李, 
出到去佢地朋友黎接佢地, 

而我買機票0既旅行社亦安排左司機接我去酒店!! 

(唔記得影相添, 第一次有人舉牌接我)

接我0既除左司機仲有一位英文了得0既導遊, 
佢見到我一個女仔黎清邁, 

比左個手提號碼我, 話有咩事打比佢, 
無論咩時間都好, 佢 15 分鐘內必定黎到搵我!! 
(哇, 老實講好感動!!) 

佢仲交代酒店我係一個人黎, 叫酒店多 d 照顧我 (!!)

沿途已經見到人潑水! 

酒店比左兩張床0既房間我, 
一個人訓兩張床感覺怪怪, 

但潑水節酒店滿左所以轉唔到房~

不過佢地話左第二日一定轉比我 
(但唔轉好過轉, 之後間房好暗)

我所住0既酒店係 Suriwongse, 
位於夜市附近, 超級近!! 超級方便!! 不過... 舊!!!

好啦, 洗個面就出去行下! 

其實清邁夜市都幾大, 有幾個係商場形式, 仲有冷氣

不過有 d 鋪頭冇開門! 

我行左一個叫 Anusarn Market, 有好多小檔口!!

泰北0既手工係好出名0既... 下面係肥皂花, 

係佢地用刀將一舊圓圓的肥皂雕出黎架!!

仲見到 fish spa

所謂 fish spa, 係放對腳入個缸度, 
d 魚仔會咬你腳底0既死皮

見到都覺得痕.... 咪攪我!! 

之後隨便入左一間海鮮檔食野

跟住就返酒店, 沖涼訓覺, 準備第二日潑水啦!!