糖糖一人遊泰十日之清邁潑水之旅 (Day 5)

Day 5

Jungle Flight 

出發前見好多台灣網友都有玩這個, 
而且大力推薦... 

潑水日0係雜誌社認識了一位台灣男生都話玩, 

好, 一於一齊玩!!! 

早上 8 點梳洗完之後上 5 樓食早餐, 
是酒店的頂層... 

只有我一個人悠閒的吃著早餐, 
感覺真係 

very good !!

之後就到 lobby 等 Jungle Flight d 車來接.

清邁有兩間玩這些森林飛行的公司, 

一間係 Jungle Flight,

一間係 Flight of the Gibbon. 

Flight of the Gibbon 

四圍都見到佢地 D 廣告, 

Jungle Flight 就比較新~ 

不過都係大同小異!  

van 仔去唔同酒店接齊團友, 就向住森林出發... 

經過很多山路, 很多彎, 個幾鐘之後終於到了... 

佢係今日大家0既教練 Boston~ 超風趣, 

沿途又講笑又唱歌~

令大家0既心情都好愉快~ 

帶左頭盔, 保護裝備就跟大隊行, 

今日0既團友分別有一對

來自澳洲0既港人夫婦, 

一對來自上海0既小情侶,

一對德國情侶, 兩位外籍人士 

(無傾過計唔知咩國籍)

一個台灣男生同香港代表 - 我!

沿路又見到訓到好似死左咁0既狗狗! 

見到前面 d 人準備飛行, 開始有 d 緊張!! 

大家參加0既都係 Plan B, 

一共有 34 座平台, 2 座高空吊橋, 

4 段飛行軌道 (其中一條距離地面 50 米長 300 米), 

4 次高空速降 (10 米, 20 米, 30 米, 40 米), 

仲有 D 高空吊橋... 

教練會詳細咁講解有咩需要注意, 好快... 

就開始第一次飛行啦~~

當踏上第一個平台之後, 就再冇後悔0既機會啦....

速降真係好驚, 感覺好似跳樓... 但去到中間會停低, 

然後你要自己伸手解一個扣, 跟住先會再降落! 

成日都好驚解錯扣會直跌落森林.... 

每去到另一棵樹教練都會即刻幫你扣返安全扣!! 

仲可以兩個人一齊玩!

教練超似一隻 Monkey~

有 d 路段要用樹枝剎停的, 

這位台灣男生剎車剎得太多, 

卡左0係中間.... 哈哈哈

超長 300 米飛行一 d 都唔驚, 沿途風景仲好靚!

最驚0既只係最後一站 ---- 40 米速降!

(大約有十幾層樓高)

教練開頭都慢慢放, 突然有一下快左... 嚇到我慘叫.... 

一落到地下即刻喊左出黎~~ 

Jungle Flight 真係一個好好0既體驗, 

沿途一個一個難關要你去克服... 

正如人生一樣, 經過, 越過之後, 

回首發現最初以為自己做唔到0既事, 

原來一關又一關咁過左!

其實只要肯嘗試, 你會發現自己內在0既潛能

係比你想像更大更大!!

雖然玩到最尾驚到喊, 

但抹乾眼淚咪又係一個 Happy Ending !! 

之後大家就齊齊去開餐啦!!

交換左 contact 大家就上車返酒店~ 

返到 small hotel 叫左個 room service 休息一下~

晚上準備去 Wanlamun 餐廳, 

reception 小姐話都幾近, 

不過條路有 d 黑.... 我行錯路, 遇到一個熱情伯伯, 

佢拉住我隻手想拖我行, 我超驚甩開佢隻手.. 

原來佢係想帶我入鋪頭問路... 

最後搵到間餐廳但關左門!! 

沿著大路返到酒店, 

reception 小姐叫我返夜市食晚飯... 

咁就去 Duke's 啦!

叫左個 Ribs... 

食飽飽行左一陣夜市就返酒店執行李

準備第日轉酒店啦!

~Day 5 完~

Day 6 預告 : Cooking Class