Day 5
Arnoma 位置真係有 90 分~
今日冇行程啦~~ 如果唔同媽媽一齊我會去 Siam Paragon shopping.. 不過同媽媽一齊得少少時間費時咁趕..
去 Big C 食早餐
要先買儲值卡, 用完可以退返錢
再去水門食雞
行返去 Big C shopping
買左一個, 點知凍左原來唔好味架..
"以為" 最後衝刺 
返到酒店 pack 箱, pack 到0岩0岩好呀~ (嗯, 我帶左封箱膠紙過去) 
0係酒店休息左陣, 12 點 check out 就 call 車去機場啦~
佢地見我行李多, 話要大車先得喎.. 700 bhat 全包! 
都唔係好多之嘛............
我幾鐘意食呢間糯米飯, 貴就貴 d, 不過多芒果~
好彩早左入禁區, 媽咪最尾先發力, 到最後仲要換錢買野~~~~~~~~~~~~ 
哈~~~ 行行下差 d 又要跑去 gate!
最後, 淨返0既錢 ....
上到機, YEAH!!! 被 upgrade!! 
雖然 OX 的飛機餐好左, 唔再係凍飯團, 但點及我0既自備飛機餐咁好味呢! 
回家拆箱
送哂比人
0係清邁夜市買0既髮夾, 80 Bhat 個, 最右邊係雞蛋殼整架! 貴 d, 不過唔記得左幾錢~
相信大家都好熟, 唔洗多介紹 
大合照出場啦!
~ 全文完 ~ 多謝收看 ! 
Day 4
<<題外話>> 自從第一次一個人清邁之旅之後, 而家我去旅行都會準備拖板.
果次因為書檯的插座只得一個, 要插電腦就要放棄檯燈, 但房間又暗,
又得我一個人!! 真係有 d 驚呢!!
而且, 幾年前曾經同朋友去旅行, 朋友一入房間就霸佔哂幾個插座,
我問她可唔可以先讓一個比我叉電, 她叫我拎個相機入廁所叉...
而家自備拖板, 所有野都可以放哂檯面!!
嘻, 好亂咁呢...
出發去食早餐 
前一晚營友 MTR 比左佢住0既 The Empire 酒店早餐劵我同媽咪
因為佢話佢昏睡, 唔會食酒店個早餐, 既然有免費早餐, 我同媽咪就唔客氣啦!
沿路都有 d 小鋪頭
Yesterday 酒店
一條直路好近
款式唔算多, 不過早餐都唔洗食太多
呢隻狗狗前一日跟過我行一段路, 仲送到我去酒店升降機門口先走 (初初真係有 d 驚)
買左條油炸鬼, 10b ~~ 好味!
返到酒店, 按摩店又未開
媽咪話不如早 d 去機場, 叫酒店幫我 call 的士
好似收左我 180 bhat (大約), 點知搵左間私家車黎接我地!
是但啦, 又有冷氣又舒服
先去櫃檯 check-in
咦~~ 冇超重~ 仲輕左添!! (因為多左個手提行李箱嘛) 
勁多時間, 周圍行下先, 差唔多機場每間鋪我地都入哂去睇
呢間鋪有好多擺設, 我問個店員我可唔可以影下呢 d 肥公仔, 佢話 ok,
仲拎哂唔同款落黎比我影!!!!
最後我都幫襯佢買左一個!
另一間有 d 細個 d, 都好 cute!
夠鐘啦... 要返曼谷
又送上美女一個
轉眼又到左曼谷
0係舊機場都有的士服務, 50 bhat 附加費, 猜 meter 去 Arnoma
沿途打左電話比 Auntie P, 佢都黎緊酒店!! 
上房先, bell boy 將我之前寄存的行李拎上黎~
無耐 Auntie P 黎到, 我地去食雞飯~~
粉紅色中場休息, 我地去左食綠衫
之後媽媽同 Auntie P 0係酒店附近行街飲野, 我一個人去左翟道翟
影左一張相咁大把
行到 6:30 pm 坐 BTS 返酒店, 經過梗係買幾支香草茶
返到酒店, 我先沖個涼, 換件衫出發去唐人街
Auntie P 0係酒店門口截的士, 佢話佢坐車頭, 叫我坐後面
咁我諗住佢兩個一齊坐可以傾下計, 我就話我坐車頭啦!!
全程的士司機眼甘甘望住我笑, 禮貌上我咪向返佢微笑
Auntie P 之後同的士司機係咁講泰文
落車後我問 Auntie P 頭先講咩...
佢話原來司機係咁話我好靚女, 好白淨, 好後生 
Auntie P 叫佢唔好再望啦, 話我已經結左婚
司機話好驚訝, 唔信!! 
Auntie P 再話我已經有三個仔女添啦, 大仔仲 9 歲!! 
哇... 講到咁大.........真係佩服 Auntie P ~~ 
去到唐人街, 順便去老鋪買林珍香返公司做手信同換錢
再同媽咪去買佢鐘意果間豬肉鬆
最後去 T & K
唔想遮哂佢地個樣, 佢地笑得好開心~~~
兩友相聚, 見到佢地咁開心, 我都好開心!! 
之後 Auntie P 送我地去 Thong Lo Asia Herb Association
警告 : 以下純文字 + 充滿怒氣!!!
本來 Book 左 Asia Perfect for Body & Foot total 4 個鐘 (2340 bhat)
不過食晚飯時見有可能趕唔切, 所以打左電話去,
佢地叫我改為 Asia Perfect for Body 2.5 小時 (1930 bhat),
再加 60 mins foot message (400 bhat), 3 個半鐘收 2330 bhat ...
去到我見時間仲夠, 想做返 4 個鐘個 package, 佢地話冇得改!! 好, 唔緊要~
仲要我地即時比哂錢先~ 都唔係問題..
換左拖鞋, 我已經同佢講想做 foot message 先, 因為0岩0岩食飽無耐唔想即刻扒0係度磨沙..
佢地都係叫佢地訓上床黎按... 仲係無幫我地清潔對腳直接按!!
接完腳, 無洗手就直接同我地磨沙!!! 佢都已經磨緊, 諗住之後都沖涼, 好啦, 再算~
磨完, 我同媽咪分開房間沖涼, d 水壓低到好似漏水咁, 根本沖極都沖唔乾淨個身...
之後我想去洗手間, 佢帶左我上另一層, 出黎唔見按摩師, 附近又冇人..
唯有自己落樓返房, 都唔見人... 過左陣先返黎..
好啦, 按摩啦... 可能太夜, 個按摩師根本無力...
再算啦, 兩個按摩師不斷傾計.. 我望住佢地佢地先收聲
到草藥球...
個按摩師突然將個好熱0既草藥球放落我腳板底!!
燙到我成個人彈左起身! (之後仲紅左) 
跟住0係好唔舒服0既情況下捱埋個草藥球!! 
好啦, 做完, 問媽媽覺得點, 佢覺得好麻麻, 於是我地決定唔比貼士兩位按摩師.
去到 front desk, 我話我想過對面買一買個芒果糯米飯, 然後返黎, 請佢幫我 call taxi,
佢地竟然答我, 佢地收工!!!! 叫我0係芒果店度 call 的士!!!!
我真係從未試過去 spa 後佢地唔肯 call 的士!!!
無謂嘈, 過對面買芒果糯米飯, 點知賣哂... 又唔好意思叫佢地代 call 的士,
唯有自己0係街截的士, 當時係零晨 2 點!!!! 沿途街邊有超過 30 隻老鼠!!!!!!
好好彩好快有的士停低, 我比左酒店卡片佢, 佢仲幫我打去問, 問完我問佢係咪跳錶,
佢話係, 但我唔見佢個錶喎, 我再問佢, 原來個錶係倒後鏡附近, 差 d 錯怪左佢!!!
沿途司機同我講笑, 又教我泰文...
我問佢可唔可以停一停水門, 我話想買雞飯食, 佢好驚訝我會知道..哈哈
可惜粉紅色衫賣哂, 又去左綠衫, 再安全咁送我同媽咪返酒店!! 
落車時, 跳錶應該唔洗 90 bhat, 我比左 180 bhat 佢.... 
佢好開心係咁多謝我, 我亦都不斷多謝佢... 佢簡直係我天使!!!! 
食埋野沖完涼執埋野就完結今次旅程最後一夜啦~~
~ Day 4 完 ~
