這個歐洲之旅已經半年前了...
三月突如其來有一個假期,
本來想靜靜地 HEA 在我最愛的清邁,
機票酒店格哂價, 所有野都如火如荼, 預計訂機票0既早上...
腦海閃過一個念頭 :
世界那麼大, 難得有假期, 點解唔去遠 D ?
點解唔去 D 從未去過0既地方?
於是決定去歐洲!!
因為太急趕所以無問有冇朋友想去,
當然我亦已愛上一個人去旅行~
但太短時間根本做唔切資料搜集亦懶得做, 於是決定跟團!!!
中午即衝去旅行社拎歐洲旅行團0既資料,
一個鐘後報名點知想報果團 FULL 左..
再去多幾間旅行社拎哂單張返屋企格價考慮,
第二日去報名, 第三日開茶會, 第七日就出發!!!
出發日夜晚0係屋企食完飯, 就出發去機場啦~
21:30 pm 0係機場集合,
坐夜晚 23:45 pm 飛機去倫敦轉機.
今個團有 32 人~
有 5 pair 係 Honey moon,
另外有幾組 family, 只有我形單隻影~
(但後來發現... 原來一個人跟團都可以好幸福架)
好耐冇跟團, 領隊不斷講解有咩特別事項,
之後派團章, 行李牌~~
領隊十分之貼心, 佢幫我地安排哂走廊位!!!
方便我地出入! 讚呀~
之後就入禁區, 周圍行下等上機啦!
第一次衝出亞洲!! 好開心呀~~
上到機, 我隔離係個英國靚仔呀!!!
佢同爸爸黎香港玩完返英國, 大家傾左陣計咁啦..
漫長0既 12 個鐘真係幾難捱...
訓醒食, 食完再訓, 腳腫眼光光, 皮膚又乾~~
到左希斯路機場啦~~
周圍行陣等轉機去羅馬~
途中會經過阿爾卑斯山 ~
一個鐘頭機都有餐派~
行李車都要 Euro 2 ...
終於都到羅馬!!!! 第一個感覺係... 熱!!!!
先去開餐 (係呀, 又食), 沿路好多櫻花呀!!
第一餐團餐, 旅行社用心良苦,
先安排我地食 d 唔好食0既野, 之後咪好似好好味咁囉!
飯後果係最好味0既! 意大利特產 - 血橙! 味道 ok 架!
領隊話歐洲 d 鋪頭買野飲貴,
叫我地0係餐廳買定支水今晚飲,
我諗住食完就上車於是買左支 1 公升0既..
點知...... 佢竟然話先去梵蒂岡!!!
過左呢幅牆就係梵蒂岡啦~
係最球最細0既國家!
聖彼得大教堂, 用左 150 年時間起0既,
文藝復興式設計同建築! 好宏偉!
真係唔知佢地果陣點起架呢..
聖母抱子像, 係由米高安哲奴雕刻0既!!
成座教堂入面都好多雲石雕刻, 馬賽克壁畫, 超靚!
十幾層樓高..
個廣場可以同時容納十萬人架!!! 勁!!
之後就去君士坦丁凱旋門同鬥獸場, 領隊話呢個凱旋門係為左紀念君士坦丁0係一場戰爭獲勝而建, 羅馬皇帝凱旋返黎時就真係經過呢個凱旋門, 法國果個就係拿破崙打敗左奧地利而下令建造, 但中途佢已經比人推翻左, 仲要係死後好多年先經過, 所以唔係好有凱旋門0既意義!
停留一陣又趕路啦... 要去許願泉!!
其實我係 "衝上雲宵" 迷,
去到羅馬見到咁多場景真係好開心呀!!
你地睇.... Euro 3 一罐汽水呀!!!
義大利雪糕 - 團友話開心果味最好味喎~~
下次再去試下先!
到啦!!!!!!
內心一陣震撼!!! 歐洲呀!! 意大利呀!! 羅馬呀!!!
我估唔到我真係黎左呢度!!
開心到難以形容!!!
領隊之前教我地許願, 通常都係許三個願,
香港人當然希望發達啦! 又或者再多三個願望等等啦..
意大利人許0既通常都係 :
1. 重臨羅馬呢個咁美麗咁浪漫0既地方
2. 會得到一段美滿0既姻緣
3. 之後離婚, 再有一段姻緣
(真係大吉利是, 佢地咁諗係想永遠有熱戀0既激情喎)
而我, 當然都有許願啦~~ 係咩就唔講啦! 
之後就坐車返酒店啦!
晚餐0係酒店食
我0係許願池附近買0既 ham
呢舊甜品好難食呀!
之後就返房休息啦~~
我好好彩, 同團有三個姑姑, 我應該同其中一個姑姑訓0既,
但三個姑姑想一齊訓一間房,
所以我可以自己一個人訓哂成間房呀~~~ 正!
~ Day 1 完~
沒有留言:
張貼留言