Day 5
一起身打開窗, 就見到雪山啦!!! 我覺得好靚呀!!
落樓食早餐
呢間酒店都幾多野食喎!!!
食完早餐, 領隊話同我地0係附近行下影下相,
昨晚睇左夜景, 而家就睇日景, 兩種感覺!
我住0既酒店外觀~
茵斯布魯克呢 d 屋成排都唔同顏色係咪好靚呢?
其實係規定佢地要油唔同顏色,
因為長年天氣凍加上雪景, 其實係會令人心情抑鬱架.
所以就要油唔同0既顏色, 等 d 居民睇到開心 d ~ 
之後我地就返酒店拎行李,
出發去施華洛世奇 (Swarovski) 水晶世界! (即係博物館)
我本身好鐘意閃0既野,
好多隨身物品都比我貼滿 Swarovski 閃石,
見到永 x 呢個旅行團會去奧地利參觀呢個博物館,
所以比其他旅行社貴我都揀左佢!!
呢個博物館係施華洛為左慶祝成立100週年而建造0既,
而水晶業係奧地利而家唯一0既工業!
入場劵可以當 Euro 2 用!!
原來 Swarovski 做0既第一件水晶係老鼠仔呀!
入口就係呢個綠色巨人頭下面!
呢粒係最大0既水晶, 成 30 萬卡架..
入面有好多關於水晶0既展覽, 但太黑唔係好影到相,
所以無相睇啦!
睇完水晶就梗係去到賣紀念品0既地方啦!!!!
呢個係全球獨家有得賣0既閃石招財貓,
成 700 幾蚊 Euro!!
我自己貼十隻都得啦!
Kitty
雙天鵝
B DUCK~
價錢唔係平好多,
不過我問左 D 唔買野0既團友拎左幾張入場劵,
加埋退稅買左港幣千零蚊..
應該都平左 200 蚊左右0既..
最後去埋個水晶廁所 (今次免費)
坐車去列支登士敦0既首都華多茲食 Lunch~
呢餐勁好味喎!!!
可惜同五個完全唔識0既團友坐, 有少少美中不足 ..
食完周圍行下, 呢度已經開始用瑞士法郎啦..
山上果個係皇宮黎架!! 國王就住0係上面!!
列支登士敦係一個小國,
最出名就係郵票, 連之前上海世博佢地都出左套郵票黎紀念!
我0係度寄左兩張 postcard, 一張自己, 一張比左朋友 ..
不過時間好緊迫, 乜都無寫只係簽左個名~
呢個鐘之前放過0係上海世博架!
見到句口號嘛...
坐一個半鐘車到就去瑞士啦!
0係歐洲, 一個國家去另一個國家係唔需要過關0既!
仲諗住可以吸好多印仔0係 passport 添! (師奶仔心態)
好多時, 過左條橋咁就去左另一個國家啦!!
領隊見時間尚早, 今日安排埋去睇獅子紀念碑 (垂死的獅子)
網上資料 :
這座雕像由丹麥雕塑家巴特爾·托瓦爾森設計，
以紀念在1792年保衛巴黎杜伊勒里宮
戰鬥中約1100名瑞士僱傭兵。
在這1100名士兵中，大約760名戰死，350名生還。
在石像的上方刻有拉丁文」HELVETIORUM FIDEI AC VIRTUTI」
意為「獻給忠誠和勇敢的瑞士」。
下方刻字的第一行是「DIE X AUGUSTI II ET III SEPTEMBRIS MDCCXCII」，
表示慘劇發生的時間：1792年的八月十日和九月二，三日。
美國知名作家馬克‧吐溫(Mark Twain)
見到山壁裡的這隻獅子像便說：
「這真是世界上最令人感到哀傷與動容的石雕啊！」
的確係
當時有少少雨, 見到獅子痛苦0既表情的確有點悲傷
去到琉森市, 去琉森瑚行下~
果度有一座有好耐歷史0既木橋,
不過曾經有人食完煙亂掉煙頭,
成條橋燒左, 後來先重建返.
(後來先發現我完全掛住用肉眼睇, 唔記得影低條橋,
不過, 最好0既相機, 其實就係自己對眼)
返酒店 check-in 食 dinner~
影下房間相先!
落餐廳食飯!
今次同團友 S 一家坐,
我同團友 S 0係水都威尼斯開始熟,
就係我去完果個要 Euro $1.5 0既廁所差 d 迷路,
好驚之際見到佢, 佢竟然黎左搵我!!! 超感動!!
之後咁多日我多數同佢一家人一齊行,
我幫佢地一家影合照, 佢又幫返我影相!
(其實第一日0係羅馬許願池佢已經有幫我影相)
食物都好好味, 同 S 一家亦傾計傾得好開心!
食完飯都好早, 我地都想出去行下,
於是又召集團友一齊出去走走..
我地幾個後生仔想搵間有得上網0既地方坐下,
點知行左大半個鐘都搵唔到!!! 全部關哂門!!
結果返左酒店, 個個好掃興好累咁返哂房,
我同團友 S 同佢爸爸媽媽四個人
就0係酒店間酒吧度飲野傾計!
(其實只有我同團友 S 飲) 飲飲下團友 S 爸爸訓著左
所以飲完一 round 我地就各自回房間休息啦!
~ Day 5 完 ~
沒有留言:
張貼留言