歐洲之旅 Day 6 (瑞士鐵力士雪山->法國波本)

Day 6

瑞士除左瑞士糖之外 , 錶都好出名.. 

所以早餐後一定預留時間比我地購物啦!

又黎返呢度, 有兩個鐘頭自由時間呀~~ 

好幾位團友都買左 Rolex! 我對名錶無咩興趣, 周圍行下..

雖然我鐘意食 macaron, 但我無買, 

因為我想去到法國先食最好味0既!!

買下瑞士蓮朱古力先.. 

行到無咩野好行, 好彩我準備左 d 麵包去餵天鵝!!

天鵝見到我......... 手上0既麵包, 全速咁遊埋黎... 好攪笑

要同我影相先有得食呀!! 

餵哂舊麵包, 班天鵝就即刻閃啦....... 真係勁現實呀!! 

無野做又無野行, 天氣又凍.. 唯有去 Starbucks 坐下.. 

飲杯熱朱古力食個鬆餅都要港幣成舊水呀... 

之後出發去鐵力士峰, 沿路已經開始落雪啦~

領隊話山上大約係零下 11-13 度左右!!! 

個個落車前都著哂厚褸帶哂帽, 我仲著左兩件褸添!! 

成個波咁..

要坐三種唔同0既吊車先可以上到海拔一萬呎0既山峰!

第一架吊車坐 6 個人~

團友 S 一家

我 

第二架吊車坐 80 人

我同 S 媽媽 

第三架吊車就係世界首創0既旋轉360度吊車, 

個底會 360 度轉, 可以多角度欣賞周圍景色.. 

落左第三架吊車, 有一個女團友已即時唔舒服仲嘔添!! 

我同團友 S 都有少少唔舒服, 心跳得好快同有 D 暈... 

唔係觸電, 係高山反應 (哈哈)

有位嬸嬸比左藥油我地塗, 之後感覺好 D, 但都係唔想食野.

其實個團餐都幾好味, 個廚師仲係香港人添!

不過我真係無咩胃口, 所以只係勁隊白飯等自己飽肚就算.

過左陣舒服 d, 就出去影下相... 

同其他團友都開始熟啦~~ 

影完相去返室內, 見到團友 S 飲緊咖啡, 我就食雪糕!! 

坐返吊車落山, 越落我精神同臉色就越來越好!! 

落山後舒服哂~~~ 

之後就離開瑞士, 向浪漫0既法國進發啦! 

車程要成五-六個鐘, 大家0係架車度都訓到暈左... 

去到酒店已經差唔多夜晚 10 點.. 

今晚間酒店有 wifi, 團友們齊齊拎哂手機出黎 whatapps,facebook 打卡, 好攪笑~

晚餐塊牛扒真係好唔掂... 好彩 d 蝸牛都幾好味咋!!! 

坐左成日車真係好累, 食完快快返房休息! 

Novotel 呢間酒店幾靚!

~ Day 6 完 ~