Day 11
最後一日啦... 今晚就會搭飛機返香港!
(12 日旅程於第 11 日完結, 第 12 日0係飛機上過)
執好哂行李落樓食早餐!
有茄汁豆!!
見到團友食小磨菇, 等左好耐都冇 refill ~~
偷左團友0係 facebook 張相.. 好想食...
出發~ 倫敦勁整路呀~~ 2012 奧運嘛~
第一站白金漢宮
皇室人員揮手0既露台, 前排威廉同凱蒂先0係度親吻~ 
用黎紀念 Diana
可能因為行左 11 日, 對腳今日開始有 d 痛啦,
加上英國當地領隊講野把聲同催眠曲差唔多!
我次次一上車就累到訓左..
西敏寺, Diana 出殯同威廉大婚0既地方
國會大廈...
倫敦廁所當然都係要收錢啦
泰晤士河
千禧橋 - harry porter 一邊跑一邊冧0既橋就係呢度拍...
呢度係英國人封左爵之後整家族徽號0既地方..
倫敦眼
一黎到呢度好想唱歌仔呀~~ London Bridge is .....
領隊話走左先好唱喎~~~ 好啦...
London Bridge is falling down ~~ falling down~~ falling down~
經過鬼屋, 日光日白咁多人排隊玩0既~
呢個就係我地倫敦0既司機, 好 gentlemen 架!
之後去大英博物館!
Rosetta stone
由於累 + 腳痛 + 就返香港心情低落,
基本上無聽領隊講野同無心機影相...
只係聽到領隊話呢度 D 男人雕塑全部都係公公 (比人割哂)
大英博物館入面仲有好多木乃伊真身,
不過我返黎之後都唔敢再睇返 D 相... 
幾有親切感~
又去開餐啦~~~ 去左倫敦唐人街~
個名真係... 誇張!!
其實我都幾鐘意飲茶架~~
食飽飽就自由活動~~
我地0係倫敦唐人街附近, 大約有兩個鐘多 D~
有兩 pair 團友話要去 lilywhites 睇波衫
同去瞬間看地球成日影0既噴水池喎..
我無興趣就自己周圍行~~ 見到街頭拍野八卦下先!
香港雞蛋仔...
見到油炸鬼同蛋糕麵包放埋一齊覺得好奇怪........
行行下.... 無意發現 M & M world !!!!!!!
全球得 4 間分店! 三間係美國, 一間係英國!!
入去參觀順便影相~~ 雖然我唔係粉絲但都好興奮!!
好多英國國旗 crossover M & M ~~
圓圈全部都係 M & M ~
有成 4 層高... 好瘋狂... 當時我得返一個鐘多 D..
結果之後要跑住走...
仲有唔同顏色0既大 M & M 分佈唔同角落...
我當然要搵哂佢地出黎啦!!
第一個~~~ 藍色!!
我之前見過朋友去過 New York 分店,
已經覺得呢個 m & m 牆好震撼!!!
現場見到真係好想買~~
不過驚自己失控買好多溶哂所以都係冇買~
第二個~~~ 紅色!!
好想同佢合照不過冇工作人員0係附近~ 好可惜~
嘩嘩嘩!!!! 見到人名杯呀!!!!!!!!!
我見到呢 d 通常都好鐘意搵下自己個名
不過多數都係搵唔到... 
仲有好多人名野..
第三個~~~ 黃色!!
第四個~~~ 綠色!!
有個男仔摸住佢大脾黎影相, 我見到忍唔住勁笑!!
最後搵埋第五個~~~ 橙色!!
仲有張大合照~~~~
到最尾發現離集合時間淨返十分鐘,
即時急步走人, 點知0係條斜路扭親腳.....
迎面而黎幾個女仔見到即時尖叫仲問我有冇事!
(我都未尖叫! 哈哈)
好啦! 集合之後就出發去機場啦!
經過劇院, 已經做左 25 年都仲係經常爆滿!!
到機場!!
每人限寄一件 23 Kg 行李~~
呵呵~~~~~~~ 0岩0岩好!!!
靜雞雞走埋一邊磅下我個背包..
仲另外有個手提行李 5.6 Kg ...
但其實我真係冇乜買野架.......
入到機場再搵地方洗哂 d 英磅先... 哈哈~~
見到呢個牌... 真係要返香港啦!!
上到機, 自隊左兩小支白酒後勁好訓...
回程感覺無去程咁辛苦!!
十二個小時後, 平安到港!!
最後同超級盡責好領隊同幾位團友輕輕擁抱
say goodbye 就分別啦~~~
~~ 十二天旅程完滿結束~~
多謝收看
<<後記, 估唔到到 2013 年我地一班團友仲繼續聯絡,
平均 3 個月見一次面!! 其中 3 pair 夫婦仲生左 baby 添!!
平均 3 個月見一次面!! 其中 3 pair 夫婦仲生左 baby 添!!
So Happy>>
沒有留言:
張貼留言