Day 7
酒店早餐有牛角飽!! 好味呀!! 我食左兩個!! 
我地琴晚住0既係 Novotel,
今個旅行團安排0既酒店都唔錯架~
又 Sherton 又 Novotel 又 Holiday Inn~
絕對唔係 d 歐洲舊式酒店囉!!
上旅遊巴前求其影下..
成個朝早都係用黎坐車,
由波本坐落巴黎差唔多 3-4 個鐘呀..
中間停0既休息站
去到巴黎已經食 lunch ..
飯後終於到達今日第一個景點 - 蒙柏納斯 56 層觀光廊
0係上面可以欣賞巴黎市0既景色~
跟住去艾菲爾鐵塔 (巴黎鐵塔)
我地只係0係戰神廣場停車, 同鐵塔影下到此一遊相,
聽講如果想排隊上鐵塔大約要預兩個鐘!!!
巴黎鐵塔實在太有代表性啦!!!
我地成班團友0係呢度影左唯一一張大合照~
D Honeymoon 團友勁浪漫...
個個0係鐵塔前 kiss kiss!! 
我同團友 S 都影左一張合照!
之後去凱旋門
領隊不斷話呢度好多賊, 叫我地小心, 我地勁緊張..
又係後來先發現我竟然無影凱旋門0既獨照!!!
旁邊就係香榭麗舍大道, 但我地無行~
凱旋門附近有好多條路, 勁多車~ 四通八達!
沿途經過紅磨坊夜總會, 好出名, 已經有百幾年歷史!
(第二晚有團友去睇左, 話 D 女仔真係好靚!
不過要成 Euro 120 好貴呀~ )
下個景點就係上蒙馬特山參觀聖心教堂,
上山前有個小廣場, 有旋轉木馬呢..
要行好多級樓梯上山~
上到山可以睇到大半個巴黎0既風景~
途中會有好多人意圖擋住我地去路!
佢地會叫我地伸隻手指出黎, 然後就0係手指度編上指環,
話咁樣會帶黎好運喎! 我地當然冇上當啦!
可能已經見得太多歐洲建築物啦! 已經無震撼0既感覺啦!
旁邊有一個叫 "畫家村" 0既地方, 呢度有藝術天堂之稱,
好多名畫家例如畢卡索, 梵高, 高更佢地都曾經0係度流連..
有好多畫家0係度畫畫, 賣畫, 都幾有氣氛!
仲有好多咖啡店, 我地幾個團友0係度飲下野, 借下廁所咁啦~
4 杯咖啡 2 支水, 要成 400 幾蚊呀... 
街頭好多呢 d 廁所, 領隊話只可以辦小事, 因為如果太耐唔出黎 15 分鐘對門就會自己打開架啦..
晚餐
食完晚餐我地就去坐觀光船, 欣賞塞納河兩岸景色!
船上都幾大風, 不過我著左好多衫同頸巾, 都唔會好凍!
我同團友 S 爸爸媽媽
另一位女團友
我與巴黎鐵塔~
夜晚0既鐵塔好靚好靚!!!! 
隻船一經過鐵塔, 大家就好興奮勁影!!!
估唔到我0既 GF-1, iphone 又影得唔錯喎..
(雖然影左好多張先揀到幾張出黎)
團友 S 作品
我同兩家人合照
團友 S 一家
自拍時無意拍到 S
吹完成個鐘頭海風, 就返酒店啦... 
今晚都係住 Novotel, 而且仲係連續住兩晚添!!
房間同之前果間差唔多啦!
下午時團友 S 話夜晚出黎行下, 不過吹左成晚海風大家都累,
所以就冇再出黎行啦.......... 有 D 可惜
~ Day 7 完 ~
沒有留言:
張貼留言