歐洲之旅 Day 8 (協和廣場- 羅浮宮- 法國菜)

Day 8

Morning Paris!! 

大大個日出迎接我~

落樓食早餐, 又係牛角飽... hehe

今日第一個景點係協和廣場

廣場中心擺放左一支來自埃及0既方尖碑, 

係十九世紀埃及政府送比法國0既兩個方尖碑之一, 

另一個留左0係埃及~ 

(好攪笑, 我另一個朋友前排先去完埃及, 

大家各自影左呢兩支方尖碑)

方尖碑兩邊都有噴水池

有架名車0係大廣場拍廣告! 

後來我地先知個 model 係亞洲裔架!  

d 團友仲大大聲話佢好瘦, 塊面又白到似疆屍等等... 

呢兩幢外觀一樣0既建築物其實分別係

法國海軍部同一間好有名的酒店 Hotel de Crillon.

廣告現場!!

之後我地出發去羅浮宮, 要自費 Euro 40, 

可惜只係得 2 個鐘參觀!

聽領隊講, 就算朝 9 晚 6 每日入羅浮宮, 

都應該要 3 個月時間先可以睇得哂所有展品!! 

真係大得好誇張!! 

所以我地最主要都係睇 "羅浮宮三寶"

呢個係雕像廳入口展品: 安東尼·卡諾瓦(Antonio Canova): 邱比特的吻

呢幅畫係好多中學歷史書都會見到呢!

係紀念法國大革命成功的自由女神油畫, 

推倒路易十六之後法國開始用紅白藍國旗

呢幅畫現場睇幾震撼

下面係屍體, 但船頭0既人充滿希望被救.. 

可惜幅畫有部份已經損壞救唔返,

遲下大家只可以見到複製品啦...

有好多畫家/學生會對住真跡臨摹.. 

羅浮宮第一寶當然係 : "蒙娜麗莎的微笑" (The Mona Lisa)

真係超級多人圍住呢... 

幅畫其實好細架!

仲有好多名畫.. 0係現場真係睇到目不暇給!! 

呢幅畫我望左好耐, 畫中人0既眼神又係好真實! 

係你行去邊佢都好似望住你咁!

拿破崙加冕圖

好多細節都好立體, 連 d 絲絨質感都畫到出黎!! 

真係睇到定哂!!!

羅浮宮三寶之二 : 斷臂維納斯 (Venus de Milo)

網上資料 :

斷臂維納斯，也稱米洛的維納斯（英語：Venus de Milo），

是一尊希臘神話中，代表愛與美的女神維納斯的大理石雕塑，高203公分，由兩塊大理石拼接而成，

兩塊大理石連接處非常巧妙，

在身軀裸露部分與裹巾的相鄰處。

可能是在前130年左右製成的。

1820年米洛農民伊奧爾科斯在米洛斯島上發現它。

他試圖將這尊雕像藏起來，

但後來還是被一個土耳其軍官發現了。

當時法國駐土耳其的大使將它買下。

現在這尊雕像在巴黎羅浮宮展出。

羅浮宮三寶之三 :勝利女神 (The Victory of Samothrace)

網上資料 :

這座神像是古希臘時期的雕塑，

約在西元前三世紀末至二世紀初完成。

由大理石雕成的女神站在前進的船頭上，

雖則神像已沒有頭和雙臂，只剩下身體和翅膀，

但作品的藝術造詣仍然令人讚嘆。

一件薄薄的衣衫給浪花打濕，緊緊貼著肌膚，

顯出健美的肌肉和細緻的紋理，最難得的是衣褶的處理， 

順滑的縐褶栩栩如生，就如真實一樣自然流動；

猛烈的狂風將女神的裙子吹向身後，如隨風抖動，

令原先重甸甸的大石，變得輕柔靈巧；

神像的形態自然流麗，

充滿 動感，以右腳前、左腳後的站姿，

有力地穩固自己的身子，

加上一雙龐大而舒展的翅膀，平衡了整座雕像的重心。

無論是形態、曲線、光暗的效果，

也彰顯這座神像 的巧奪天工。

即使我無法看到女神的面貌，

但也想像到衪擁有目光炯炯、昂首伸眉的英姿，

指揮著破浪的船艦，邁步迎向勝利的呼聲

咁多年前0既人, 能夠將一舊大理石雕刻得咁細緻! 

連裙擺0既動感都表現到出黎! 真係好勁!

仲有好多雕塑.. 我唔一一介紹啦!

呢個係陰陽人0既雕塑... 

同時間有男性性器官同女性0既胸部~

行羅浮宮絕對絕對要小心銀包!

呢個倒金字塔係連接住上面0既金字塔

上面個金字塔

羅浮宮都有 macaron 賣..  

之後某部份團友去左參觀凡爾賽宮, 

另一 d 團友就自由活動!!

我就去左 shopping 啦~~ 

去左春天百貨買最出名0既 macaron!!! 

勁後悔無買大件!!! 

買左幾件小圓餅!! 真係.. 超.. 好 .. 味.. !!!! 

比清邁文華東方更好味呀~~

可惜只可以放三日我又要轉飛機又要轉酒店, 

所以帶唔到返香港.. 

今日午餐自費, 同幾個 Honey moon 團友
一齊去食返個法國 lunch 先!  

之後繼續血拼, 

最終我豪買左人生第一個 Chanel 手袋同銀包!!!! (大出血)

行街行左幾個鐘頭, 時間真係好快過, (再行都唔得掂)

領隊帶我地去左一間百年老店, 

仲係米芝蓮二星0既店食法國菜

同行一個同爸爸同家姐旅行0既女仔同領隊講
想同團友 S 坐!! 哈, 無啦啦點會分開坐, 安排唔到~ 哈哈

領隊開頭講到間野好好味, 但我覺得好普通..... 

洋蔥湯

鵝肝............ 醬

鴨腿, 領隊話隻隻都係左脾喎!! 

如果唔係反轉佢就係左脾啦! 

甜品

呢餐我雖然唔同團友 S 坐, 但佢就坐0係我後面張台, 

大家飲下紅酒傾下計.. 

佢差唔多飲左大半支紅酒, 我都飲左 3 杯... 
大家坐得好近, 方便傾計

臨走時我地都 high high 地啦.. 

部份團友去左睇紅磨坊, 唔去0既就返酒店!

我地個團其實係 10 日同 12 日團合併, 

S 一家係參加 10 日團0既.. 

第二日佢地同部份團友就要離團啦...  


返到酒店, 佢約我半個鐘之後0係大堂飲杯野, 
大家交換埋 D 相~ 

我地傾下飲下, 每人飲左 3 杯香檳, 
睇相睇到我同佢兩部電腦都冇哂電.. 
由 9:30 pm 傾到 1:30 am.. 兩個細聲講大聲笑.. 
最後水吧關門, 大堂都熄埋燈.. 我地先上樓.. 

佢送我到房口我地就 say goodnight 啦~ 

~ Day 8 完~