Day 3 由一杯熱咖啡開始
食物影過, 冇再影了~~~ 今日帶左 IPAD 邊睇韓劇邊食早餐, 食左個幾鐘先返房, 勁 HEA ...
今日天氣好凍, 大約只有 1~2 度, 仲落雪夾雨, 雨中帶雪!!! 真係好凍呢~~~
前一日本來想報名參加一天遊去烏鎮水鄉, 但一早就要出發, 晚上才回來, 我覺得時間太長啦, 都係想 HEA 一點, 隨心一點. 而且水鄉景色也差不多, 就選擇可以坐地鐵到達的七寶!!
手機突然上唔到網, 以為無哂錢, 去附近中國聯通增左值都係唔得, 差 d 想買過張, 點知原來手機唔知做咩跳左去 4G ... SET 返 3G 就無事...
雪夾雨
大約 2 點半先出發去七寶水鄉, 坐 9 號線地鐵可以直達, 不用轉線超方便~
沿途都有指示
好快就到了!
肚餓, 買左一串鴨腎食~
一個人旅行, 搵人影相真係好難.. 因為真係好難要求到對方幫你影到你想要0既效果 
全景
糖畫
好多羊的特別部位, 無試
其實中國水鄉係咪大部份都係咁0既景色呢?
再行下入面
掃街
黑色臭豆腐, 好想食呀!! 不過喉嚨痛唔敢食啦 
其他小吃
影完呢張相就走啦... 超凍!
坐地鐵返酒店, 打浦橋 2 號出口, 最高果幢就係我住0既酒店, 超近~
返酒店坐下休息下~
待續
Day 2 下
坐的士去水族館, 之前個的士大哥教我同司機講 "東方明珠旁邊的海洋世界", 果然一講就明! (嘻), 大約 20 幾蚊啦 (已經唔記得左
), 其實坐地鐵都得, 由人民廣場站去陸家嘴站都係 2 個站!!
網頁 : www.sh-aquarium.com
入場費 : 成人 160 元, 身高 100-140 cm 小童 110 元
開放時間 : 09:00 - 18:00 (7-8月, 春節, 五一及十一長假延至 21:00)
閉館前半小時停止售票
其實 3 年前我黎世博時都有黎過水族館, 不過果次就係睇得 30-45 分鐘就閉館, 所以再黎慢慢睇!!
地毯海葵, 有毒!!
倒吊水母, 都係有毒!!
呢條揚子鱷超得意!! 我望左佢好耐, 跟住轉左個 pose!!
呢條唔知係咩...
請大家繼續欣賞各種生物... 
呢個背景其實好慘呢......... 以為一望無際的雪景, 點知係一面牆!!! 
水母
似唔似蘑菇?
我拍左條片, 可惜背景好嘈, 加左少少音樂0係底... 有興趣可以睇下~~~
上海0既水族館其實擁有全球最長0既水底隧道, 長達155米!! 但我都係覺得唔夠...
唔經唔覺0係入面行到 5 點幾... 其實都唔係太餓, 不過有 d 累都坐下.
見到今日下午本來想去0既小楊生煎, 咁就入去食啦!
生煎加左價~ 但都仲係好平, 6 蚊人仔四只.... 加一罐可樂, 10 蚊人仔攪掂~~
不斷包不斷煎
新鮮煎起0既小煎包
點講呢... 可能回憶0既味道都係最好!! 結論就係下次唔洗再食啦..... 
上網見過人話金茂 87 樓飲野環境唔錯, 睇書係金茂君悅酒店0既酒廊, 87 樓環境應該唔錯, 而且酒店飲野應該安全呱.... 去睇下先!!
先去對面影下東方明珠夜景~~
以為上海人冷漠, 其實都唔係, 幫我影相呢位路人為左幫我影相掉左支煙, 真係唔好意思~ 
行天橋去金茂, 沿路非常大風, 非常凍!!!!
又黎東方明珠, 唔影佢都唔知影咩好...哈哈
去到金茂 87 樓, 有最低消費 $100 再加 15%
望一望, 超靜又無人........錢都唔係問題, 去 HAPPY HOUR 無人邊有氣氛....... 
樣衰 D 都要, 決定走人, 落樓影返張相到此一遊算了~~
時間尚早, 決定去外灘, 坐地鐵 2 個站就到南京東路, 2 號出口跟住人就行到去
係咪算少人呢? 好凍呀~~~
家鄉國旗呀!!
最後行左陣步行街就返酒店浸浴啦! 
DAY 2 完
