糖糖一人坐火車遊上海 (Day 2 上 : Pullman 早餐 -> 佳家湯包)

Day 2



酒店有包早餐, 由 6:30 - 10:30 a.m. 供應
我每日大約 9:30 去食, 坐到 10:45 a.m. 左右, 

真係超 hea ....



基本上應該有0既都有啦... (講左等如無講, 哈哈)























呢個好味!



我的健康早餐 (其中一碟, 哈哈)~



食完早餐, 我就返房睇書, 睇 ipad, 同朋友 line, wechat ... 灘0係床諗下去邊....
磨到 1:30 pm ... 坐的士去食黃魚麵!!

阿面娘係當地名店, 招牌黃魚麵非常有名, 之前爬過文 (我記得上海姑娘都有講過好味) 加上旅遊書有介紹, 一於去試試~~

地址 : 思南路36號(近南昌路)

酒店打的 $22 人仔, 司機大哥非常熱情好人, 不斷讚我靚女仲話我皮膚白似韓國妹, 仲教我講上海話添~~~ 佢話我個樣講上海話非常貼切... 因為夠甜~~ 真係樹上雀仔都比佢哄左落黎~~~ 仲問我一陣有咩行程, 再教我點樣同的士大哥講~~ 超好人!!!

非常愉快咁落車, 點知................





春節休息直到 16 號~~
嘩~~ 仲放得耐過我呀~~~



咁點算呢........ 食咩好呢........ 天氣好凍......



當時我連自己0係邊都唔知, 又唔知去邊食嘢好, 就只係覺得或者轉個彎就見到有想食嘢0既地方呢..... 沿途景色好靚~~ 雖然係一邊好平凡0既街道, 但感覺好寧靜, 好舒服!! 漫無目的周圍行, 其實感覺都幾好吖~~~



最後我決定去食小楊生煎包, 但我唔知最近我0既分店0係邊, 見到有商場, 就入左去問客戶服務員, 佢地開頭教我行路, 又上橋又直行又轉彎咁, 可能我個樣太迷茫, 其中一個女仔就話不如坐地鐵啦!! 好提議呀!! 仲教埋我去地鐵站!! 沿途天氣好凍, 但我心情好好~~



坐左唔知 1 個定 2 個站就去到人民廣場, 目的地係黃河路

新天地出口出

見到有朱古力, 好得意呀~





白菜仔真係好似!!!!!!!



出左地面向右手面行, 一直行就會見到黃河路, 轉入去一直行

見到小楊生煎啦!



咦, 對面有佳家湯包



呢間都係名店喎........ 即時變心改食佳家!!



當時大約 2, 3點, 好多都賣哂啦



記得唔好一入去就搵位, 係要先點食物, 再搵位0既.. 收銀員見到太多人等位就唔會賣住架啦~~
所有食物都係現點, 現包, 現蒸0既~~



排我前面0既女仔都係一個人, 我地一齊等位, 一齊坐, 佢好友善咁同我講嘢, 原來佢係哈爾濱姑娘呢, 我地仲交換左微信, 佢仲話我去哈爾濱會帶我去玩添!!

我點左蟹粉小籠, $27/12 隻





皮薄多湯汁





我食左 8 隻就投降啦.......... 哈爾濱姑娘竟然食哂 12 隻仲飲埋杯奶茶!! 勁~

我地一齊行返去大街, 我想去水族館睇魚, 就同哈爾濱姑娘分別啦~~~

(續)