經過一間好似民宿0既店, 門外公仔好得意
好快就到左, 門外狗狗由之前的黃色轉左桃紅色!
三年前喺黃色呢....
上次食 cheese cake, 今次試下雪糕先
班蘭味, 我鐘意呀! 好味!
營友 Caleb 打電話比我, 問我0係邊一唔一齊食晚餐.. 我打算去 Deck 1, 佢駕電單車過黎 iberry 搵我一齊去!
哈哈, 等佢幫我影相
出發去河邊餐廳 Deck 1
見到 Color Factory, Nine Resident 個民宿姐姐有介紹過我去睇, 即刻停車 go go go
Color Factory 賣唔同設計師設計0既大象, 每年佢地都會捐錢比亞洲象基金會, 參與保育大象0既工程!! 佢地0既大象黎緊 8 月 ~ 9 月會0係香港參展呢!!
呢隻係佢地0既店0既化表作, 榴槤大象!!
好貴啊!!!
Mosha 象, 係一隻比地雷炸斷左腳0既小象, 佢需要安裝義肢, 因為小象不斷長大, 佢亦需要不斷換新的義肢, 凡係買呢隻有 "Mosha" 的小象, 部份錢會直接潑入佢0既義肢基金!
有朋友鐘意0既英國旗象
似 M & M 嗎?
其他小象
仲有音樂盒
鎮店之寶, 非賣品!!
參觀完 Color Factory 就出發去 DECK 1
(都係同一條路)
餐廳0係 RarinJinda Wellness Spa Resort 對面, 係 Resort 的餐廳, 住呢間酒店可以過黎對住河景食早餐!! 當然唔係住客都可以黎幫襯!
我地 walk in, 都好幸運可以坐到室外! 可以對住河邊晚餐!!
其實應該早 d 黎, 可以睇埋黃昏, 不過無所謂啦...
樹上面掛左燈, 襯埋河邊景色, 幾靚!
飲下酒先!
頭盤我記得我唔係想叫呢個, 係我叫錯嘢定落錯單?
哈, 是但啦! 照食...
朋友的三文魚
我的羊架, OK 幾好味!!
今次係我第二次0係 Ping River 旁邊晚餐, 對住河邊晚餐最緊要係.... 有蚊怕水!!
雖然餐廳都有蚊香但我都係比蚊狂咬...
所以我地食完都無再逗留!!
晚餐唔記得左幾錢.... 印象中好似每人 600 bhat 左右......
環境情調一流, 食物好味, 推薦!!
之後我想去 24 小時賣花市場買花, 兜左幾個圈終於搵到!
我買左一紮花比自己!!! 80 Bhat !!!! 超開心~~
朋友送我返酒店, 經過見到香蕉餅好想食
唔該停一停~~~ 落車買先!
坐0係電單車尾0既我最後一手拎住玫瑰花, 另一手拎住香蕉煎餅返酒店!! 身上仲掛住手袋同相機!
(各位大朋友小朋友唔好學我
)一大紮玫瑰花都係 80 Bhat
插起左部份, 另一 d 我拎黎浸浴!
辣手摧花...
最後用呢張非常浪漫0既相完結 Day 4 ......
~ Day 4 完 ~
沒有留言:
張貼留言