出發喇.... 通常上飛機前都要影返張相:
我地今次搭泰國東方航空,今次班飛機冇 delay 喇~~~
好開心!
(上次 delay, 我由 6:00 am 到機場等到 12 點先上機)
由於晨早出門, 所以唔帶 con 住! 去到曼谷先!
是日天氣麻麻地, 落住雨起飛....
我帶住小豬出發!!
OX 的飛機餐係唔好食的, 大家搭的話記得食定早餐先!
轉眼間到左曼谷! 先出發去酒店!
今次我揀返上次去過的 Pullman, 一間好好的酒店!!
酒店送一個 lunch / dinner buffet 比我地, 於是一到步我地
check in 左就去開餐喇~
好肚餓~ 唔影咁多喇, 拎野食先!
食完就上房喇... 酒店 upgrade 左我地間房,
不過原來同我上次住果間差唔多... 又唔覺得特別大~
超好訓的床!!
最憎中間隔住個櫃, lee 間無, 可以 close d ~
今次係園景, 我好鐘意! 左上角係游泳池~
我同津 bi 梳洗下就出發 lu~
我地第一站係受人所託去 Central World 買 Naraya 袋, 佢朋友
又叫佢買, 我朋友又叫我買...
哈哈.... 為免旅程心卦卦就買左先!!
劫後的 Central World 重開, 都冇咩特別... 基本上我地只夠時
間去買袋, 之後就要趕去做 spa 了~
津 bi 未做過 spa 的, 我好無新意咁又走返黎 Leyana (穩陣嘛)
同上次黎唔同左... 新裝修成白色小屋, 好 relax !
welcome drink 好好味... 唔知係咩黎呢..
做左 3 個小時 spa 之後, 我地成身滑滑咁離開 ~~
lee 間 spa 真係幾好架... 果日天氣涼涼地又落雨, 佢地準備左
d 薑茶比我地, 飲完個人暖暖咁, 好舒服!
之後 spa 安排車接我地, 我叫佢0係 mae varee 度放低我,
我要去買好好味的芒果糯米飯! 阿蘇都讚好架!
咁大盒都唔洗 HK$20, 好好味架!!!
之後搭返 BTS 去酒店附近 ...
本來諗住去某店食海鮮, 但去到門口一望...
我地覺得會比人劏到一頸血.... 於是入左街邊 D 小店...
佢地就收工, 冇乜野可以食.... 只有豬頸肉, 生蝦... 問佢有冇生
菜包, 比左碟肉碎我地...
但話無菜... 只有青豆.............
我食左一啖, 放低左... 味道好怪
鋪頭入面0既小妹妹好可愛, 好好肉地, 好怕羞, 好鐘意佢..
食完意猶未盡, 我同津津 bi 決定再去食一餐!
見到間酒吧有得食泰菜, 又有啤酒飲, 我地就坐低...
津津 bi 要飲佢愛的冬陰公 :
我鐘意食蘆筍 :
我地都愛的公車腩霸 (生蝦) :
好豐富啊~~
飲飽食醉..
返酒店有小豬同字條迎接我地 :
食埋個芒果糯米飯同0係 7-11 買的 Beauty Drink 就訓覺 LU~
~ 翌日行程 : 翟道翟 + 唐人街 ~
沒有留言:
張貼留言