(Khao Soi Mae Sai -> Ping Nakara -> Anantara -> Maya -> HK)
最後一日啦!!! 我真係好鐘意呢間酒店0既早餐!!!
每次食自助餐都鐘意將食物放得靚靚, 見到心情都靚 d ~~
推薦呢個班蘭 kaya 油炸鬼!! 加埋一齊好好食!
呢間酒店 d 餐具都好有質感~~
食飽飽上房 hea 陣先!!
咁大個窗開住, 唔覺意跌左出去咪....
之前都講過我今次訂0既酒店都係無泳池0既, 但唔知點解我執行李時又會帶埋泳衣喎!
(其實係因為之前去上海間酒店有泳池, 一直放左0係旅行袋入面)
既然都帶左, 當然要去浸下水啦!
一人獨享按摩池
d 水好凍....
浸浸下個男人又走埋入黎! 
攤下先
呢個小朋友好 hea 呀.............. 怪姐姐忍唔住偷影佢...
好啦, 上房執行李啦!
寄存行李, 出發去食清邁麵
店名 : Khao Soi Mae Sai (逢星期日休息)
位置 : 沒有詳細地址, 在 Varada Place 附近
請參考以下地圖 :
酒店車我出路口
出到去面向馬路左手面一直行, 油站對面入去
(部份相片係舊相)
35b 一碗的雞腿麵!!!
太幸福啦!
清邁的最後一天, 當然把握機會繼續食!!
約了營友 Caleb high tea!! 其實我0係香港都未試過食呢 d 三層下午茶呢....
目的地係 Ping Nakara, 坐 Tuk tuk 出發~
營友黑仔 Don 曾經0係度做過印度滴油按摩, 佢話好正! 有機會都想試試!
呢度係一間酒店, 好靚呢! 一晚房價都唔平架!
酒店車
入到大堂, 問職員下午茶的餐廳喺邊, 職員話是日餐廳休息!!!!
天呀~~~ 唯有等下次啦!!! (9 月再去過!!
)參觀一下酒店~
各位記得啦!! 逢星期三休息~~
ANANTARA (前 CHEDI) 就0係附近, 佢個 TEA 都好出名, 一於過去!
好多人都講過, 一入左 ANANTARA 大門, 就好似進入左第二個空間咁...
的確有呢種感覺, 明明外面都幾熱幾多車, 入左大門之後, 好似突然聽唔到嘈音咁, 好似穿越時空去左第二個空間咁~ 好舒服!!
好美麗的空間, 現場睇比相靚好多好多~~
雖然下午茶未開始, 侍應都先安排入座~~ 我周圍參觀下
準備緊下午茶
價目表
點左最普通的二人下午茶, 連稅連 TIPS 1200 BHAT 左右~
食物精緻, 味道還可以, 環境服務一流~~
食唔哂酒店仲幫我打包~~ 好滿意!!
最後一站 MAYA
清邁真係變左好多好多, 一間又一間的新商場, 方便左唔同的遊客, 但感覺令純樸的清邁有點變質了...
MAYA 位於 Huay Kaew Road, 同雙條車司機一講就知了!
當時開業只有幾個月, 店舖唔多, 唔知而家會唔會多左呢?
黎 MAYA 主要目的 ... 前文華東方的 Macaron!! 酒店實在太遠啦... 坐車來回都要 400 bhat..
喺度都買到好方便!!
好多好多 macaron 放喺雪櫃, 仲記得 2, 3 年前最谷水浸, 物資運唔到去清邁, 當時 macaron 都停售...
味道多左好多, 價錢由 20B ~ 60B 一粒不等..
咸的味道都有
仲有靚靚蛋糕!
盒係唔洗錢的...
我問店員拎左 D 紙, 寫好每一盒要咩味道, 佢地慢慢執比我
買左 4 盒 TOTAL 668B, 香港只可以買幾粒!!
比錢後就等通知...
我就影下相先
一件 Cake 加一杯 coffee / tea 130B ++
呢度都有 3 層 HIGH TEA
3 月清邁其實都好熱, 我盡量避太陽都曬黑左.....
買完最重要0既嘢就再周圍行下
Mont Blanc 呢度都有店舖
佢地 d 餅都好靚呢!!
我估呢盤應該係比顧客試食, 唔知係咪我無幫襯, 無得試... 哈哈!
佢地都有 macaron
附近仲有一間 macaron 專門店
呢 d 味道都幾特別, 哈哈, 不過我唔敢試啦, 買左一個薰衣草
最後去埋 food court 旁邊的 beauty buffet 掃貨!
呢 set 牛奶磨沙好香~
好啦, 返酒店拎埋行李出發去機場!
夕陽西下, 又要離開清邁啦....
平安返到香港!! 又係力的表現.............
~~ 全篇完 ~~
