(茵他儂國家公園 (Doi Inthanon)
訓左三晚民宿比蚊勁咬, 昨晚終於有覺好訓...
今日報左 One day tour 去郊遊~~
茵他儂國家公園 (Doi Inthanon) 一日遊
落樓下食早餐! 我初初以為無咩人住, 都唔係呀.. 有幾多, 不過多數係泰國本地人, 可能佢地有車, 自駕方便!
都算幾多嘢食呀.... 仲好精緻添!!
推介呢個班蘭 kaya !!
當然唔可以同五星級大酒店比, 但其實已經好多嘢食!! 應該有0既都有啦!!
飲品都有好多!
我的早餐
非常豐富, 食飽飽先有氣力行山~~
差唔多到左預定接送時間, 落樓下等順便影相
酒店外觀
入黎酒店要行一條小巷, 如果自駕會好方便好多啦~
旅遊巴於約定時間黎到, 由於已經接左大部份團友, 得返車尾坐位~
再出發接多兩位團友就出發 "茵他儂國家公園"
車程大約一個鐘左右啦! 訓下覺玩下電話都好快到~~
第一個景點係瀑布
之前睇過其他網友0既相, 瀑布好壯觀好澎湃, 現場睇唔覺得
夜晚同清邁朋友食飯時講開, 原來因為旱季, 所以雨水唔夠多呢~~
喺泰國行下山先
呢隻花好香
開頭以為山上面好凍仲帶哂外套, 點知好熱!!!
到左泰國最高點啦!!
當然要影返張到此一遊相啦!
天氣好好呢!!! 藍天白雲~~~~~~~ 郊遊下幾唔錯!!
另一個瀑布
哈哈!! 我都有所謂0既自拍神器, 就係自拍杆加 remote!! 影相不求人!!
去到皇帝, 皇后塔
我太熱太累所以無上去, 事後先知道上面有一大遍花海, 好多花好靚架~ 有 d 可惜!
因為太熱, 我走左去冷氣地方食雪糕
一天團包午餐
落車時見到對面有類似龍捲風!! 不過影唔切啊!!!
團餐
一日團都會帶我地買手信
都係 d 乾貨, 茶葉, 果汁酒同生果呢 d 嘢啦!
士多啤梨都幾甜! 好似 40 bhat 一大包!!
再去左一個類似當地人生活咁0既地方
咖啡豆
呢 d 係咪叫梯田? 不過農地休息緊! 所以無種嘢~
小教堂
最後參觀埋當地人的手工織布就回程啦!!
沒有留言:
張貼留言