糖糖一人坐火車遊上海 (序 + Day 1 香港火車去上海)

有些事現在不做 一輩子都不會做了

序

春節期間公司放大假, 年十四開工 (唔好打我, 要扣大假的)!! 

無朋友咁遲先開工... 於是我又密謀一個人出遊 (其實我根本就愛上一個人出遊) 

新年期間去旅行好貴, 所以目標都係國內為主!! 

(後話: 落實後見到去台北有特價差唔多錢, 超後悔) 

坐高鐵? 動車? 青島? 福建? 上海? 北京?

回國內的話, 都係去大城市比較安全吧, 3 年前世博會去過上海, 都覺得幾安全, 獨自出遊, 就再次選擇她吧... 

放咁多日假, 好想試下慢遊.......... 平時假期少, 根本唔會考慮坐火車浪費時間, 既然今次有時間, 不如就試下火車旅行啦!! 辛苦都叫做試過嘛!! 深圳開出的買票又麻煩又比較危險, 最後決定坐滬九直通車, 20 個鐘由紅磡直達上海, 中途不停站相對安全!!

出發前一星期去紅磡站試下買票, 買下層硬臥竟然仲有位!!! 票務員話其實一早賣哂飛, 只係人地退票先有飛賣比我, 

哈哈~ 好幸運呢!! 

當晚回家訂了春秋航空上海返香港機票, 

$399 + TAX, Total $827

酒店就出發前兩日直接0係官網訂, 差不多的價錢 agoda, hotel.com 都唔包早餐及 wifi, 官網就全包呢~

費用 : 

香港去上海下層硬臥火車票 $530

上海去香港飛機票連稅 $827 

Pullman Shanghai Skyway CNY 1946.50 / 3 晚, 平均 CNY 648 / night

由香港開往上海的列車, 車次為 T100, 開車時間為 15:15 pm, 翌日早上 10:00 am 到達. 隔日開出, 詳情請港鐵網頁 : http://www.it3.mtr.com.hk/b2c/frmScheduleBeijing.asp?strLang=Big5

網上未能提供預售車票服務, 

售票地點如下 <<只收現金>>  :

東鐵綫紅磡站城際直通車客務中心

東鐵綫旺角東、九龍塘及沙田站售票處

港島綫金鐘站港鐵旅遊

輕鐵屯門碼頭和天逸客務中心

提早辦理出境手續:

乘客請於開車前90分鐘到達紅磡站辦理出境手續        

行李限額:

旅客可以免費攜帶手提行李限額為成人20公斤

(其實坐火車有度好, 就係就算超出 20 KG 都唔怕)

特別留意:

高包上海去香港車票要0係國內買, 其他種類可以0係香港直接買來回車票

Day 1 

懷住又興奮又緊張的心情! 出發去紅磡站!! 網上資料係大約開車前 1.5 小時到達紅磡站, 我早左好多到, 見可以入去我都早左入去侯車區坐, 唔想之後同人迫嘛!!

好多人啊~~~~

哈, 見到火車啦... 香港出發0既火車比起深圳出發0既係靚好多呢!

我坐0既係 2 號卡, 1 號車廂係放置行李0既車卡, 2-7 號車廂就係 6 人一格的硬臥車箱, 8-10 號車卡就係 4 人一格的軟臥, 而 11 號就高級軟臥車箱 (高包), 12 號就係餐卡.

硬臥只有這種廁所, 要去到軟臥先有坐廁, 如果早買飛又想坐硬臥的話可以試試問下有冇得買 7 號車箱, 方便去軟臥的廁所同餐卡, 哈哈~~ 

每一個車箱都有熱水供應, 源源不絕, 可以放心!

硬臥區

一上車我就換左睡褲啦... 20 個鐘, 最緊要舒服嘛!

我對面床係一個台灣男生, 而樓上四個就係國內同胞, 要相處20個鐘, 大家要亙相幫忙忍讓啦, 所以國內妹妹經常一嘢坐上我張床 (唔理我係咪訓0係度), 我都向佢報以微笑~~~~~ 

列車超準時 3:15 pm 準時開出!! 沿途會經過幾個火車站, 去到廣州站會停低, 0係車尾再加幾個車廂, 比廣州乘客上車, 中間會用餐卡分隔, 佢地過唔到黎, 我地亦唔可以落車!!

大約 6 點幾, 好多乘客開始食杯麵, 亦有服務員推餐車賣飯盒, 我冇幫襯唔知幾錢.. 

是日晚餐

台灣男仔曲哂腳訓又唔除鞋, 唔知點解呢... 

9 點幾, d 人開始訓覺, 夜晚 10 點正就會準時熄燈!!!

睇緊 ipad 0既我都決定嘗試訓覺, 平時邊有咁早呢.... 

當我再次張開眼0既時候, 我以為已經係第朝!!!  

點知.... 只係 2 個鐘咋........... 

列車行駛0既聲音真係唔講得少, 訓唔著............ 

好彩一早 download 左韓劇, 

睇左 2, 3 集超眼訓就終於都訓得著了~~~~  

半夜0既列車車廂有點凍, 我都多返件冷衫唔好凍親... 列車上有被, 其實都 OK 夠暖, 唔夠就著埋外套訓啦~ 我之前上網見有人話床上有跳蚤咬, 我就唔覺, 不過我一上車都0係床邊滴紫花油, 仲噴埋香水... 哈哈哈哈.... 好似好姿整, 

但做多少少野令旅程舒服 D 我又覺得無所謂呢! 

一早 7 點就比內地同胞嘈醒, 國內一家四口開始執野仲霸埋我張床, 我決定去餐卡食嘢!! 佢地一家仲話幫我看住 D 野添! (當然貴重財物自己跟身)

$10 碗, 雪菜煎蛋麵

車外景色

走廊

走廊有得叉電 (大陸的插頭) , 我自己帶左充電器就冇用, 另外, 列車係無 wifi !!! 不過我出發前0係鴨記買左中國聯通電話卡, $98 有 200 mb, 全程用黎 line, whatapps, wechat 都夠用到幾日~ 

卡中間會有洗面區

上層有放行李的地方

無誤點, 準時 10 點就到達上海啦!!

一出去... 就覺得... 凍呀!! 上海得 4 度咋!

快快手排隊坐的士去酒店先.............