其實上海平酒店真係好多, 人仔 200~300 都有好多好選擇, 但為免踩地雷住左賓館, 都係決定搵間好少少!! 揀 Pullman 係因為我曾經住過曼谷0既 Pullman 兩次, 最令我難忘0既係佢張床真係超舒服!!!! 上網睇過評語, 有地鐵站0係附近... 搵過 agoda, hotel.com, 格過價最平都係0係官網 book, 仲做埋佢地個咩忠誠會員, 哈哈~
官網 http://www.pullmanhotels.com/zh/home/index.shtml
一不做二不休, 加多少少訂埋 Deluxe Room (每晚都係多 70 幾蚊), 盡情放空~~~
今次真係完全無計劃, 所有行程食咩玩咩睇咩都係去到先決定, 買左本旅遊書0係火車都無睇過, 每日 HEA 到中午先出去, 無計劃就係最好0既計劃~~~ 我真心覺得今次旅程好舒服呢, 上一次去上海係去世博, 超多人, 超多行程, 每日行行行..... 今次漫遊上海我覺得好舒服, 雖然仍然怕了它們的小籠包!!! 哈哈!!
排左一陣隊, 終於都跳上的士, $17 人仔去到酒店, 好過坐地鐵左轉右轉~~
出發前先 email 通知酒店大約早上 11 點 check-in, 酒店亦答應我可以安排!! Check-in 算快, 快 d 上房睇睇先~~~
房間好大好舒服呢.... 坐左 20 個火車, 沖返個熱水涼休息下先........... 實在太累, 本來想叫 room service 最後決定訓返陣先........
4 點幾起身, 望下窗外景色... 原來酒店旁邊有間海底撈火鍋!!
海底撈係國內火鍋名店, 以服務好聞名! 曾經睇過一篇文章話海底撈0既服務好變態, 唔知真假, 但天氣凍, 都想食下火鍋...
我去0既分店位於金玉嵐廣場 4 樓, 酒店大門一出轉右行一陣就見到
官網 : http://www.haidilao.com/
地址 : 上海市盧灣區打浦路金玉嵐廣場四樓
交通 : 地鐵 9 號線打浦橋 2 號出口
營業時間 : 24 小時
去到門口, 已經有服務生為我開門, 知道我一個人黎食火鍋都無覺得奇怪~ (反而我自己覺得奇怪, 哈哈)
仲話如果我食小鍋唔洗等, 即時可以入座添!! 正呀!!
當時大約 6 點, 大堂都有人等位, 佢地有免費美甲, 免費香手機, 免費茶水, 生果, 棋比客人邊等邊玩~~
坐低服務員就放低髮圈比我紮頭髮, 膠袋比我放手機
仲有圍裙
放低左果汁, 黑豆漿各一杯!!
IPAD 點菜, 一人一鍋, 我揀左蓄茄湯底, $17, 可以揀 8 款火鍋料
食物可以揀半份呢!!! 太好啦, 可以試多幾款!!
帶子 ($17)
豆苗半份 ($9)
肥牛半份 ($28)
鴨腸半份 ($16)
鴨腎半份 ($16)
菌類拼盤半份 ($25)
大合照
另外, 叫左個招牌拉麵 ($7), 服務員會0係面前表演呢!!
仲會幫我煮埋
服務員總會0係附近, 好貼心咁睇客人有咩需要, 去洗手間亦會有專人為你打開水龍頭, 遞上毛巾等等, 更加有牙刷, 牙膏, 牙線, 棉花捧提供!! 超貼心!!!
我一邊玩手機一邊慢慢食, 都坐左 2 個幾鐘, 埋單 $142, 服務員主動計齊頭 $140 ...
我覺得好抵, 好滿足~~~
0係附近便利店買少少飲品, 慢慢行返酒店....
參觀下酒店先, 無帶波鞋, 唔係會做下運動~
SPA
住客有折, 但超貴
泳池好大, 我有帶泳衣, 本來想搵日落去玩下水, 但次次一返到房就唔想再出去! 最後無游過...
每晚最舒服就係呢個 Moment ~~~~
沒有留言:
張貼留言