今次旅程的機票是大約 5 月買的, 當時最想買星期六夜晚放工出發, 星期日回港, 但票價比星期日出發星期六回港貴幾百蚊.... 慳妹寧願去少 2 日~~
點知後來香港航空航班由每日出發改為逢二, 五, 日.... 我就變左星期日出發星期日返~~ 一共 8 日~ YEAH!
星期日 5 點幾出發真係好蝕, 不過有得玩總係開心~~~
清邁我又返黎啦~~~~
訓下覺發下呆, 好快到清邁... 在上空看清邁的夜景, 好靚呢!
本來酒店有免費車 (住三晚以上有免費接送) pick up, 不過當地朋友 xxl & hello 夫婦知我想趕去周日夜市, 就話黎接我機送我返酒店再車我去夜市呢!! 一上房放低行李就出發!!
8 點唔到就到達夜市啦!!! Thank you so much!
清邁周日夜市真係必去的地方, 第一次去清邁的朋友真係唔好錯過啊!!
周日夜市在古城中間一條路, 每逢周日中午四, 五點就會封路擺攤到晚上約 11 點 ~
以下係部份夜市檔口的相片 :
街頭不時有表演
在人客面前煮...又幾特別喎! 上次都唔多覺~
今次明顯看到周圍多左好多中文字, 唔識形容果種感覺....
我好鐘意呢張貓貓畫啊, 但買幅畫返香港... 太 crazy 啦.... 等我再變泰 d 先啦~
隨便搵個地方坐低食 d 嘢.. (sorry 唔記得邊個位置, 亦唔記得幾錢了)
清邁的第一餐
行多一陣, 遇到當地朋友 Mr. D, 就由佢送我返酒店了!!
酒店 : At Pingnakorn Huaykaew
其實位置比較入, 在 Huaykaew Road Dome 再行入去約 5 分鐘, 而且附近正在起樓, 真係有 d 嘈! 不過我以 HK$120/night 的價錢入住, 真係無投訴啦!! (原價大約 $390/night, 優惠 code 係 hotels.com 於某日推出的限定優惠, 全球 15000 名額即日沽清, 我搶左 3 個!!!)
特別要求房有浴缸, 但最後都無浸過呢...
酒店比左雙床房, 小床我通常係未沖涼時就攤上去, 大床先用黎訓覺!
~ 第一天完 ~
沒有留言:
張貼留言