繼上次同 Angela 的台北自由行後, 今次的自由行有點不同,
因為基本上全個行程都是我策劃的, 原來真的很煩惱的.....
好彩有 "泰友營" 這個網頁, 真係超多野睇超有用....
不過要小心, 因為有 Magic....
日期：2008年3月14 - 17日
費用：Package 共 HKD 2,200 / person
(已連所有稅項、附加費)
航班：OX 203 (0815/0955) 去、
OX 200 (1810/2140) 返
酒店：Ibis Siam Hotel ★★★
參考資料 : 泰友營網頁, 泰指導, 曼谷王同
曼谷食玩買終極天書
Day 1 14 March (Fri)
基於我 "師奶仔" 性格, 去旅行梗係早機去早機返,
所以揀左晨咁早0既泰國東方航空 OX203 !!!
4 am 幾就起身梳洗.. 然後就落樓搭的士.
一落到樓下個天仲黑媽媽, 見到架的士問佢去唔去機場,
點知佢唔肯比 discount 我...
(佢一定係知唔比 discount 我我都會搭)
算啦.... 去旅行係最開心0既...
幾十蚊就算啦~
5:45 am 就去到機場, 即刻走去 check-in 寄鬼左 d 行李先,
然後0係大快活呆等......
因為太興奮食唔落早餐, 淨係飲左兩啖奶茶, 之後就周圍行, 我
真係好鬼鐘意機場呀,
因為又去旅行嘛~ 呵呵~
唔經唔覺就夠鐘入閘上飛機, 睇下雜誌無耐就派小食,
轉過頭又派飛機餐.....
都唔係難食0既, 可能因為我無食早餐....之後就將手錶較慢一
個鐘, 好快就落機喇!
大約 10:00 am (泰國時間) 到達曼谷, 0係機場換左少少泰
銖 (兌換率得 3.95), 即刻去二樓搵的士去酒店.
的士佬開開下車問我 400 銖全包好唔好, 我話唔好, 要
meter. 佢話 ok .... 開頭都驚佢話要我落車....
哈哈.... 好彩都冇!
11 點幾到酒店, 因為我一早 request 左 early check-in, 酒
店好快安排到房!
放低行李就去水門街食海南雞飯, 落到酒店拎左本書比門口個
哥哥仔睇, 佢同個的士佬講...
的士佬都好似唔知咁... 好彩我有 "泰指導", 用譯音講 "but 道
腩" (即係水門街), 的士哥哥個樣即刻
"叮" 一聲咁..我再加多句 "cow 問計" (海南雞飯) ... 的士哥
哥即刻明哂!!! 仲車到我去門口添呀!!
勁開心! 去到都見到好多香港人, 我地好快咁食左個海南雞
飯 + 淨雞, d 雞冇咩味, 不過 d 醬汁就好好味..個湯就超勁重
味精! 個海南雞飯好抵,
30 銖包埋湯.. 即係 HK$8 唔洗!
然後就周圍行, 先去 super rich 換定錢 (兌換率有 4.2), 跟
住就周圍 shopping, 首先去到 Central World 0既 Naraya,
買左超級多蝴蝶袋... 大部份都係幫人買同做手信, 我自己都係
買左幾個化妝袋同兩個袋.
就住.... 就梗係去我去泰國0既首要任務... 買內衣啦.... 去
左 Chitlom Central 百貨公司度掃左一批....
5:30 pm 左右就搭的士返酒店換件靚衫去 State Tower
63/F 入面0既 Sirocco 食晚飯, 之前已經係網上 book 定
位, 仲 request 埋全場最靚0既 2,3 or 7 號台!!
為左去這間高級餐廳, 我仲特登帶對 3 吋高跟鞋去..
雖然餐飯就一般, 不過個境真係好無敵, 當然價錢更係......
我同朋友食左 :
1. 磨菇湯 2. 鵝肝拼帶子 3. 安格斯牛柳
4. 一支 Evian 5. 一支 Singha Beer 6. 兩個雪糕
大約 8:30 pm 食完飯, 就搭的士去 "義德善堂" 捐棺材, 佢地
係一間慈善機構, 那裹只有棺材沒有死屍, 那些棺材遲些是捐
給那些因意外死去而無親無故的身故者, 我覺得好有意思, 平
時捐錢都唔知道係咪真係有人受惠! 所以專程去!
去到寫低名0係張紙度, 之後就親手貼上 d 棺材上面, 之
後裝 20 支香, 0係香爐燒左張紙, 再0係各香爐裝香, 打埋鼓
就 ok 啦!
PS, 返酒店時, 個的士司機開頭見到個地址話無問題, 點知行
行下見佢停低同個男人講野喎....
唔知佢地商量 D 乜.. 我即係拎返張紙落車走人..... 之後行去
附近 BTS 站, 點知..... 原來酒店同 BTS 站係好遠0既.....
好彩有好人的 7-11姐姐幫我截的士!!! 咁先平安返到酒店咋!!
第一日完.....
沒有留言:
張貼留言