第一次曼谷自由行 2008 - DAY 3

Day 3   16 March (Sun)

今日諗住唔食早餐訓晏 d .... 點知一訓訓到 12:30 pm....

一定係之前行得太盡太累喇...

於是快快手梳洗出門口喇.... 今日最重要0既目的就係

做 spa 喇!!!

所以先去換錢.... 諗住 Super Rich 兌換率高 d, 又走返去水門

街食海南雞飯, 之後行過去 Super Rich...

Oh.... 原來星期日休息!! 好彩, 我有兩手準備....

搭篤篤去 Amarin Plaza 入面0既林真香換錢加埋買手信喇!!

買夠 1500 銖就免費送返酒店 + pack 箱唔洗拎.... 


我當然會咁做喇!!!!

狂風掃落葉咁買夠之後就兩手 fing fing 咁上路... 

(啋... 去行街就真)

之前去 Central Chitlam 唔記得去 ZEEN 睇精品, 又走返去買

手信,之後就去 Siam Sqaure 0既Mango Tango 食芒果喇!!

食左成份招牌 Mango Tango 之後真係飽到想嘔....

周圍行... 買左 d Boots, 個人就已經好少用這個品牌的東西,

不過見平又買左支閃閃爽身粉同埋 lotion 咁啦~

見有時間淨又唔想行百貨公司, 於是返酒店放低 d 野就去做 

spa 喇!!!

返到酒店打電話去 Leyana Spa 度 re-confirm, 跟住就搭的士

去喇... 去到 Thong Lo 站, spa centre 安排左架篤篤黎接, 之前

睇網頁網友話架車係白色, 點知... 架車黎到之後我真係嚇左一

跳呀!!!又殘又舊.... oh no..... 算啦... 硬住頭皮上車.....

去到門口, 影返幾張相先...

服務員安頓左我坐低之後, 問我揀咩 package 之後就拎 d 味道

比我揀....揀好就 .... 開始喇! 我揀左一個叫做 "Leyana Sweet 

Harmony" 的 3 hour package.

Details 如下 :

Footbath  -  有花花水浸下腳 (3/5)

Shower  - 自己沖, 冇咩特別 (3/5)

Chocolate Scrub  - 我轉左用 milk oatmeal, 個 massagist 好

細心, 又溫柔, 連 under arm 都磨埋.. (4/5)

Leyana Warm Oil Massage - 揀左 thailand flower 味道, 好香

都幾舒服 (4/5)

Floral Milk Bath - 好正呀! d 花花好香, 牛奶味好濃, 真係好正

呀! (5/5)

Natual Detoxifying Facial Massage - 一般....  (3/5)

去到時仲話我間房個 toilet 維修緊, 另一些房又有人用緊, 所以

送左個 Herbal Steam 比我, 問我可唔可以遲些先走... 我當然 

ok 啦.... 因為我都有諗過試個 Herbal Steam, 而家唔洗錢就試

到喇! 都 ok 架... 坐0係個帳篷入面, 有 d 香草咁蒸, 流左好多

汗....

埋單 50% off 之後都要 3000 銖, 最後佢地仲問我去邊, 幫我 

call 定架的士, 我仲買左佢地0既 shower gel ..希望0係屋企沖

涼時都會記得!!

最後比左 100 銖貼士個 massagist, 佢好開心呢!!

既然去到 Thong Lo 區, 就特登叫個的士司機車我地去 Mae 

Varee Fruits Shop 買全曼谷最好味0既 芒果糯米飯 

(65 銖, 大約 HK$16) 0係等外賣時, 原來有隻超級無敵大老鼠0

係門口, 好彩我睇唔到... 唔係我肯定叫到全條街都聽到!

本來就諗住做完 SPA 這個晚上去 China Town 架喇...

但我又唔鐘意食魚翅, 林真香又買左喇!

食海鮮我不如去 Suan Lum Night Market.

所以我地又去左Suan Lum Night Market 喇~

由於係最後一晚, 所以我地決定豪食 !!

有燒大蝦, 鰤蛤, 豬頸肉, 生蝦, 炸蝦餅, 炒通菜 !!

食完再行到佢地收鋪, 就打的返酒店食埋個全曼谷最好味0既芒

果糯米飯.....

跟住就執行李準備返第二日返香港喇!

 

第三日完.....