第一次曼谷自由行 2008 - DAY 2

Day 2   15 March (Sat)

今日0既行程主要就係翟度翟, 8:30 am 就起身喇!

落左樓下食早餐, 都冇咩野食, 食左一隻蛋, 兩條腸仔, 炒雜菜, 

飲左杯橙汁!

就搭的士去翟度翟喇! 都好平... 65 銖就到喇!!

翟度翟真係好熱, 入面 d 鐵皮屋我就真係頂唔住, 多數0係外面

行, 都唔理個太陽有幾曬喇....

其中有一檔個泰國女人好 nice, 又教我泰文, 仲叫我下次去 

home stay 住0係佢果度, 話有機會佢黎香港又住0係我度喎.... 

Oh.... sorry 呀.... 我屋企係冇位架.....

不過真係感受到佢地泰國人好 nice ....

可能因為太熱, 根本就完全 feel 唔到肚餓, 只係隻腳好似就斷

咁, 求其搵間野食左碗雞肉米粉, 最緊要係飲返支可樂. 我先有

氣有力繼續行.....



行到 3 pm, 已經圍住翟度翟行左一圈, 而我這個行街精都頂唔

順喇! 宣佈收工, 0係翟度翟做左今次曼谷遊0既第一次 foot 

massage !!! 15 mins 100 銖. 

個泰國靚女幫我按隻腳時好痕, 我係咁笑... 鋪頭入面個個都笑

我,仲問我點做 foot massage.. 之後個泰國靚女話我靚, 又話我

隻手錶靚, 手指甲靚....睇黎佢都鐘意閃閃野... 我拎個電話出黎

比佢睇.... 佢猛話我係 rich girl ...成個電話都係 diamond.... 

(我貼左好多水晶閃石0係電話)

 

3:30 pm, 依依不捨咁離開翟度翟喇..... 

臨走前買左 d 好似好特色0既芒果同士多啤梨, 點知好難食....

之後返到酒店梳洗, 可能冇乜食野, 返到酒店肚餓, 

我自己0係酒店出面搵野食, 搵到間小店,

我拎左本書, 問佢有冇炒雜菜同生蝦, 又估唔到佢有喎... 買左

返酒店食...佢地0既炒雜菜係用膠袋入住0既... 怪怪咁...

生蝦就好味道 !!  加埋都係 120 銖, 即係 HK$30 咋!!! 

跟住就去 Central Lardprao, 一心諗住去我心愛內衣品

牌 b.s.c. 0既旗艦店...

點知.... d 款仲少過 Chitlom Central, 不過見有 20% off 就即管

買多一套咁多啦....

之後再行行下, 比我見到有 d 內衣特價車..... oh.... 

有 b.s.c., elle, 同 wacoal 啊.... 平好多, 又買左一堆....

呵呵.............. 跟住入左 Swensens 食雪糕....

佢地個 menu 好衰... 雪糕有三十幾款, 但下面寫住泰文.... 唯

有博一博啦.... 嘻嘻.... 好彩大部份都好味道!

 

本來是日行程係諗住行 China Town, 

但係行完翟度翟唔夠喉於是改行程去 Suan Lum Night 

Market (已結業) 繼續血拼..............



仲0係夜市入面食左生蝦, 炸蝦餅同燒大蝦!! 

好好味!! 食飽飽就返酒店喇.................

 

第二日完.....