歐洲之旅 Day 3 (羅馬->佛羅倫斯->米高安哲奴廣場->比薩斜塔)

Day 3 

可能有少少時差, 好早就起左身~~但好精神喎~ 

執下野扮下靚就去食早餐~ 早餐冇咩好食 

(無計啦, 比泰國 d 酒店縱壞哂)

坐三個鐘出發去佛羅倫斯, 沿途經過一個山城, 好特別!

成個城市起0係山上面!

中途停下休息站, 都有 d 野睇下~

早餐冇乜食野, 買返個飽食下先!

前面個團友唔識叫, 好彩我影定張相 show 比 cashier 睇, cashier 話我好聰明呢.. 

咖啡好正呀!! 0係歐洲飲咖啡平過飲水! 

我覺得意大利 d 咖啡最好味!

到左米高安哲奴廣場!! 

下面個 cafe 又係衝上雲宵0既場景! 

就係 Sam 代 Vincent 同 Diana 講分手0既 cafe ~ 

有人影結婚相.. 

但點解要帶住 d 紅色 "新娘新郎伴娘伴郎"牌呢.. 

望過去就係聖母之花大教堂, 安奴河同聖十字架教堂!

有人0係廣場演奏, 我唔記得左佢地係咩人, 但 d 音樂係超級好聽架!! 係個大廣場聽住音樂, 望住美景, 又有溫暖0既太陽, 果一刻真係咩煩惱都冇哂! 

之後就去食午餐啦..

食完午餐就去比薩, 呢個景點係要自費0既~

由於食完午餐飯氣攻心, 都冇乜聽到領隊先生0既介紹.

大約記得座塔係起起下發現個地基斜左.. 

停工一排之後又再起過.. 

仲有有一個意大利物理學家伽利略(唔係日本果個神探)

0係比薩斜塔上面做左一個實驗, 

將一隻雞蛋同一個石頭同時0係8層樓高0既斜塔掉落去, 

睇下兩樣野係咪同時著地~ 

結果證實左自由落體定律! 

我地一落車, 領隊一馬當先帶住我地行, 

行行下見到有幾個吉卜賽人跟住我地,

領隊即刻叫我地停低, 吉卜賽人又跟住停喎!! 

於是領隊好惡咁埋去問佢地做乜, 

班吉卜賽人開頭仲想講大話話順路, 

後尾佢地先走開

領隊真係好厲害呀!

領隊先生好有心, 同我地成班團友影 "經典托塔相"!!

之後仲幫成班 honey moon 團友留倩影! 

教佢地擺 post, 幾開心!!

<<因為呢個遊記同時放0係其他討論區, 

為保各團友私隱一律唔現真身>>

我幫 d honey 看住 d 野, 佢地影完就話唔可以掉低我, 

於是成班男仔陪我影!! 哈哈~~

周圍行下紀念品小檔

又坐幾個鐘車去威尼斯啦..... 是日晚餐都0係酒店食!

房間 (我都係一個人訓, 但比左兩張床0既房我) :

~ Day 3 完 ~