Day 4
今日主要行程就係威尼斯! 威尼斯係由 118 個小島組成,
中間有 400 幾條橋連接住. 我地先由碼頭坐 20 分鐘船去水都.
沿途經過好多小島~
呢個係鐘樓, 以前如果有咩要宣布, 就會0係呢個鐘樓敲鐘, 118 個島0既人都會聽到, 佢地就會坐小船去廣場聚集架啦!
呢條就係嘆息橋, 橋一邊係以前0既法院, 另一邊係監牢 以前 d 犯人如果被判有罪就會經呢條橋去收監, 水漲時就會被浸死, 如果浸佢唔死就會拉去大廣場斬頭, 犯人同家人就會0係橋度最後見面..
監牢:
坐貢多拉之前, 先去一去洗手間,
威尼斯廁所好貴架, 要 Euro $1.5 去一次!!
去完廁所出黎, 我迷路了........
因為威尼斯 D 巷差唔多, 兩邊都係牆, 又有橋..
當時真係好驚, 好徬徨....
就係我好驚之際, 見到團友 S, 我個心即時無咁驚..
我問佢 : 你等媽媽嗎? (團友 S 一家三口同爸媽旅行)
團友 S : 唔係呀, 佢冇去洗手間, 我黎等你架. 我怕你迷路
我 : (唔知講咩好, 呆左.... )
因當時大家都唔係好熟, 可能佢見我一個女仔所以多照顧我,
真係幾感動!!! 之後我地就慢慢開始熟, 好多時我都同佢地
一家三口一齊行, S 幫我影相, 我又幫佢地一家三口影相~
**************************************
團友 S 帶返我去碼頭, 其實開頭無諗住坐貢多拉,
但後來覺得澳門威尼斯人都要 HKD120 啦, 黎到水都威尼斯都係 Euro $25 仲坐足 20 分鐘,
而且都唔知幾時再黎, 抵坐0既!
我地問船伕會唔會唱歌, 佢話唔會架...
佢好口花, 問佢平時鐘意做咩, 佢話鐘意親熱,
所以佢老婆好唔得閒喎!!
下面 3 張相出自團友 S 之手~~
落船後周圍參觀下就去返大廣場集合
呢個小朋友真係勁得意!!!
等團友期間領隊同團友玩埋一份
有年長團友夫婦迷路, 我地等左半個鐘...
之後要趕船, 攪到我地好趕咁食野~
新鮮墨魚汁煮麵, 食完個個 e 起 d 黑牙笑...
炸海鮮籃, 正正正!!!
大家最終都係趕唔切船, 結果領隊要租過第二架船,
大家仲諗要唔要夾返錢呢, 定係應該遲到果兩夫婦比呢?
最後, 領隊無叫我地比, 我地亦無問....
之後我地要出發去奧地利茵斯布魯克,
要成 5 個鐘車程!!! 中間領隊話去一去維羅納 (Verona),
係世界文化遺產之一0既城市. 莎士比亞名作《羅密歐與茱麗葉》亦係以此城為背景~
大家都冇拒絕, 每人 Euro $15~
維羅納最雄偉0既建築物就係呢個羅馬式圓形露天劇場,
係世界上現存0既第三大圓形競技場!
又一個大廣場
三個頭成日彈彈下又發出怪笑!!
我地最主要都係去茱麗葉屋企望下!
比人劃到花哂..
呢個就係羅密歐同茱麗葉定情0既陽台啦!
傳聞話摸下茱麗葉個右胸會好運喎!!
美女守衛
0係市集買左個蘋果, 都成 Euro $1 個~
見到佢地聚集但又冇開始演奏, 經過佢地身邊之後突然打鼓,
嚇到我同團友 S 彈起左...
呢個 bb 好樣衰架.... 見我無比錢唔比我影!
繼續趕路去茵斯布魯克
中間又飲返杯咖啡先!
晚餐都係酒店食, 領隊話奧地利水質好,
所以今晚可以直接飲水喉水啦~
團友 S 話啤啤佢~~ 仲請我飲添!
今餐又食豬扒!
超甜蘋果批!
團友 S 話夜 D 出去行下好唔好, 問左幾個團友, 有幾個都OK,
於是約埋出去行下散下步...
再飲過...
返酒店休息~
開心的一日又完結啦~~
|
沒有留言:
張貼留言