DAY 3
一覺醒來~~ 酒店係冇早餐包0既!!
出發去食好味泰北麵先!!
店名係 Khao Soi Mae Sai
上一次營友 Don 推介, 跟住佢搵食點知星期日休息,
之後去左 nimmanhaemin road soi 7 搵左間黎食!
今次揀左周六出發, 比左大約位置比酒店職員幫我寫泰文
交左比雙條司機, 出發!!
司機又去到同一地方問路!!
司機話應該0係附近但唔知0係邊, 竟然掉低左我地...
唯有靠自己!!! 又比我搵到!!
認住呢堆牌
見到台灣小食店就0岩啦!
台北小食店在左, 右手邊條路繼續行
見到洗衣機
搵到啦!!!
我食雞腿, 媽咪食牛肉
媽咪起初見到舊牛肉仲覺得好硬, 點知勁軟勁入味
我隻雞腿更加係滑~ 勁想食多隻!!
35B 一碗勁正!!!!! 下次要再食~~
之後媽咪話想去洗頭, 因為佢覺得間酒店 D 水好弱所以唔想洗喎..
食完坐雙條返 Nimmanhaemin road
經過見到 289B 任飲, 幾抵喎!!
10 點左右, 有髮型屋已經開門啦!! 係兩個 Ladyboy 主理的!
入到去, 媽咪又話想剪埋頭髮!
埋單好似 180B ~
剪完返酒店坐左陣, 營友 MTR 已到達清邁仲 Check-in 左附近酒店!
相約0係 Salad Concept
好喜歡呢間的沙律, 第二次黎啦~
媽咪揀左呢款
我鐘意自己 mix
叫左杯香草茶, 顏色好靚!!
好豐富的午餐!
謝謝營友 MTR 請客!
之後一齊坐雙條去漢清邁二店
由於我同 500 已相熟, 出發前已經預留位置, 唔洗先去比錢 (租車錢),
聽聞當日清邁大部份 11 座位旅遊巴比 500 租哂... 勁!
今次無上次咁幸運三人包車, 而且今次架車好窄, 坐得唔舒服.
不過我都訓得著
轉眼到左
現場比上年多左超級多人, 仲有好多香港人, 日本人
隨處聽到廣東話 (有冇營友呀~~)
上年營友 Don 排隊拎左呢個小吃, 幾好味!
今年見到又再拎先
呢個哥哥好有心機慢慢剪 (但排隊0既人好心急)
嘩, 真係超級好彩, 我拎完之後再派多一兩個就派哂...
我地都唔肚餓, 無再拎野食了
入會場霸位先, 好多旅行團用繩霸住哂 d 位
媽咪一場黎到, 梗係要幫媽咪影多 d 相!
現場真係勁多人, 而且......... 勁悶
唯有, 影下女仔
日本美女
全場最 sharp!!
呆等 4-5 個幾鐘, 終於天黑
好多人根本唔聽指示, 儀式開始時工作人員叫大家坐低, d 人係都要企0係度
一點著火把, 佢地又即刻放燈, 前後左右0既人又唔執輸咁前後放, 我根本影唔到一齊放燈0既畫面
當日風向吹埋一邊, 咁0岩有支架0係附近...
無咩心機影呢~~
放完, 勁失望咁離去...
媽咪話等左咁耐只係放一陣, 都有 d 失望
營友 MTR 更加話唔會再黎
我都係咁諗, 相信今次係我最後一次放萬人天燈
<< 今次0既相真係好差>>
上車出發返清邁, 唔知好彩定唔好彩, 一上車落勁大雨,
仲塞左差唔多兩個幾鐘車, 塞咁耐落咁耐, 落車先停雨
我同媽咪, 營友 MTR 坐雙條返 Nimmanhaemin road 搵野食
本來想搵間好少少0既坐下, 但完全搵唔到
最後去左大排檔
得飯或麵揀
食完大家極速返酒店休息, 完結勁失望的一天
~ Day 3 完 ~
Day 4 預告 : 返曼谷了~
沒有留言:
張貼留言