糖糖的旅遊.生活記事: 糖糖與媽二人遊曼谷清邁 (Day 1)

我又靜靜地去左清邁放天燈, 又係天燈雞唔知會唔會悶親大家! 哈哈! 今次隻雞相信會煮得好慢, 因為我最近在公在私都好忙, 旅行返黎一個月都未揀哂 d 相, 不過隻雞開得頭就一定會埋尾0既!!

前言 :
幾個月前, 見到某某旅行社同泰旅局合辦左一個叫 “泰難忘的一天” 0既比賽, 揀一張相加 200 字內0既描述就可以參加, 獎品係兩張雙人來回曼谷機票!!!! 得獎名額仲有 50 個添!! 梗係即刻參加啦!!! 最後我就憑住0係清邁影0既天燈相成為其中一個得獎者! 而糖媽, 就係我今次0既旅伴啦!

對上一次同媽媽去旅行已經係好多年前啦…細個同媽媽旅行當然係跟團啦, 而家大個女調返轉, 係我”帶”媽媽去旅行啦… 真係幾緊張!!! 媽媽有個好朋友住0係曼谷 (之前0係我0既潑水油雞已經出現過), 我想媽媽生日可以同埋佢好朋友一齊0係泰國食飯慶祝, 好友相聚一定好開心! 而我當然想去清邁啦….咁0岩萬人天燈日子就係媽媽生日後兩日, 所以我好想安排一個出奇蛋行程, 可以滿足幾個願望!! 本來行程預計7日, 領獎後發現機票有限期得5日, 算啦, 免費機票唔要求得咁多, 終於, 左諗右諗下先編好一個清邁曼谷五天精華行程!! 所謂精華, 其實即係大部份翻炒無新意….(喂, 做咩一開始就趕客??

) 嘻~~

今次旅程資料 :
日期 : 22 -26 Nov 2012
曼谷機票 : OX $0, Tax $890/each, 周四出發附加費 $100/each
清邁機票 : AA $1,150/each + 來回 15kg 行李 $160
曼谷酒店 : Arnoma Hotel $550/晚連稅 (Hotels.com)
清邁酒店 : Baiyoke Ciao Hotel THB1700/晚連稅 (Booking.com)

Total : $6,390 (2 ppl)

Day 1

好耐冇坐 OX ... 今次又 Delay, 好彩旅行社早一日打比我通知我, 唔洗去到機場先呆等!!!

天都未光就出發去機場, 之前一晚只係訓左 3 個鐘咋!!

咦!!! 好耐未試過咁輕啦!!!

食完早餐當然要去影返張香港人必影相片第一位啦!!

起飛啦~~~

一到步攪掂左張無限上網卡先, 全程勁上網, whatapps, line, facebook ... 非常 happy!

媽咪話肚餓, 好, 去 foodcourt 食野先!

乖乖比 50 bhat 的士附加費, 猜 meter 到 Arnoma Hotel ~~
出發前兩日, 媽咪朋友 (之後稱為Auntie P) 雙腳唔小心比熱水燙傷,
我地到果日佢覆診, 仲係行動不便, 所以取消左同我地食飯,
我亦冇提起係媽咪生日, 始終意外佢都唔想!!
佢地傾左陣電話, 相約 3 日後我地0係曼谷返黎先見面!!

去到酒店 Check-in 時我靜靜雞同 staff 講今日係媽咪生日,
問酒店可唔可以有 d 安排,