Day 3
(Sky Adventure, 清邁動物園, 水族館, 燒雞, 周日夜市)
我係去到清邁先搵清邁香港人代 book Sky Adventure, 價錢同0係其他 agent / 官網訂一樣~ 網友 Caleb 都同時黎左清邁, 於是我地可以二人同行參加 (一個人的話要加多 300 bhat)
Sky Adventure
website :http://www.skyadventures.info/index.html
15 mins 1900 bhat
25 mins 2900 bhat
拍攝 DVD 另加 500 bhat
包來回接送, 自助飲品
Flight time :
From: 7:00 - 9:00 am. and 4:30 - 6:00 pm.
Hotel pick up time :
Morning 6:30 - 6:45 am.
Afternoon 3:45 - 4:00 pm.
私家車最後先黎接我, 出發啦~~
大約20 分鐘車程~~
先填少少資料, 我加左 500 bhat 拍 DVD
清邁日出~ 好靚~ 望到小型飛機個人醒哂, 好想唱衝上雲宵主題曲啊!!
溫馨提示, 清邁清晨比較涼, 如果怕凍就帶件外套同穿長褲啦!!
佢地都比左件大風褸我!
今日有 3 位客人, 我, Caleb 同一位外籍人士, LADY FIRST, 我飛先~~
呢位就係帶我飛0既機師啦!!
機師先生幫我帶好頭盔, 頭盔同眼鏡連住一個通訊設備, 可以同機師對話~
好啦, 出發~
我唔識 cut video, 唯有 cap 圖啦!!
caleb 亦準備起飛, 佢架機有 d 唔同!!
起飛啦~~
沿途機師會講解一下下面0既景色係咩, 種緊0既又係咩…
例如糯米, 佢話會係芒果糯米飯的糯米~
一片綠油油0既田, 加上涼浸浸0既風, 好 relax 好舒服!!!!
忍唔住大大啖深呼吸咁清新0既空氣!!!
唔知係咪我太靜, 機師以為我嚇呆左, 不斷問我 are you ok? 仲問我洗唔洗高 d … 哈哈, 我話唔洗啦!! 我想見到農夫揮手… 可惜一個人都見唔到…
大水塘
好靚啊
機師叫我同鏡頭揮下手~~
回程啦!
小型飛機前面無遮擋
幾大片農地~
成功降落啦!!
真係好刺激好正的體驗!!
THANK YOU SO MUCH!!
外籍人士都準備出發~ 原來佢每年都會黎飛架!
合照留念!!
之後0係小屋坐一陣, 有 FREE COFFEE / TEA 飲, 邊飲邊等 DVD 同證書, 順便簽下紀念冊~
玩完小型飛機, 去左 Caleb 住0既酒店痴早餐食!!
我同佢都未去過清邁動物園, 食完就跟電單車尾一齊去~~~
成人門票 150 bhat
小童門票 70 bhat
以上價錢唔包水族館, 動物園連水族館套票好似係 590 bhat~
個人覺得, 水族館係不值一去!! 好失望…….. 大家之後睇相就明白~~
估計係小朋友扮0既公仔..
一路沿小斜路上山, 見到有呢 d shuttle bus, 100 bhat 無限次任坐 bus 同monorail, 沿途會停幾個大站, 我地決定坐, 因為烈日當空又係山路, 唔坐真係中暑都似…. 但中間有 d 動物要行先睇到, 我地唯有放棄!! 好彩我地最主要都係諗住睇熊貓, 企鵝同水族館..
第一個站就係熊貓館
又要比 100 bhat !!!
雖然唔係多但覺得好呃錢囉, 點解唔係一張門票包哂呢….
一入去就見到創創啦!!
另一隻叫林惠, 好人性化0既名~
搵個背脊對住我地
雖然佢地比人分隔住, 但佢地都坐0係見到大家0既位置呢… 好 sweet….
好多動作, 好可愛~~
熊貓館外面有 shuttle bus 站, 下一個站就係水族館
外面有呢隻波波玩, 不過無人玩
泰國最大的水族館
可以餵魚魚飲奶~
因為燈光問題, 入面好難影相… 不過入面魚魚唔多
係圖片黎0既, 見唔到呢條魚
差 d 見唔到佢…
呢粒海星好特別!
影左好多張都影得唔好呀~~
D 魚好似唔郁架………
海底隧道頂的海龜
無人無魚的海底隧道
講真, 我真係覺得上海果水族館靚好多大好多!!! 好失望呀!!!
出到黎, 見到有人玩啦!!
好似好得意咁, 但我著住牛仔褲, 覺得困0係波波入面會好熱, 而且比人望住哂, 我怕羞都係唔玩啦!!
問過價錢係 90 bhat / 10 mins, 大家有興趣就試下啦!
下一站睇樹熊
呢個 pose 真係好攪笑~ 拍得住我屋企隻貓訓覺個 pose!
知我話佢, 轉 pose !?
之後睇企鵝
懶洋洋的貓貓
行到呢度, 已經又熱又累…
算啦, 我地決定走人~~ 坐monorail 落山, 上車無耐我就訓著左…. 訓左成 20 分鐘, 醒返都未落到山….. 哈哈!!
離開動物園, 肚餓啦~~ Caleb 提議去食燒雞, 等佢帶路!!
燒雞店位於 Nimmanhaemin Road soi 2 與 soi 4 之間小巷
(即 Nimman Mai Design Hotel 同一巷)
以下地圖0係 Nimman Mai Design Hotel website download :
認住呢個鋪面
留意營業時間係：11am-8:30pm
逢星期一休息
我地坐室外, 少少熱, 吹下天然風
泰式英文, 放心, 有相片 menu 可以認字點菜!!
自助點菜, 幾方便
燒牛肉
炸木瓜沙律
燒雞 (皮脆肉嫩超好味!!!!)
好想叫多碟黎食, 不過朋友話飽 !?!?!?
改左營業時間, 大家留意!
開餐後朋友送我返民宿佢就返去補眠 ~
我返民宿沖左個涼訓唔著, 決定去按摩, 民宿姐姐推薦左 Deep Relax 比我仲教我行過去, 個人覺得普通同偏貴, 就此略過~~
按完後出發去行周日夜市 (民宿, Deep Relax 同周日夜市都0係古城, 全程行路)
呢間店修腳座位好靚!!!
之前一晚成晚比蚊嘈住哂
(民宿真係靜到蚊飛過都聽到
)
好想買蚊香!! 見到超市, 入去望望先
見到啦~~ 哼哼~~
久別重逢0既夜市啊~~~
相信睇過清邁遊記0既大家對佢地都唔陌生
我都駐足細心欣賞左一陣佢地0既音樂
真係好靚, 但香港人有幾何0係屋企點蠟燭….
掃下街先!
好鐘意同好欣賞泰國人樂天性格, 呢 D 雞蛋唔係第一次見, 但每次都忍唔住影低!!
微笑之國
黎左 3 日, 第一次食芒果糯米飯!
夜市都有蚊香買!
又係好靚但買左返屋企好少用的燈! 屋企仲有包~ 哈哈!!
我只係行左周日夜市 1/3, 就已經完結啦………….
點解呢? 因為我遇到佢….
畫 Q 版人像0既畫家!! 太似啦!!!
見前面只係得 3 個人, 決定排隊 ~~
點知… 最後企左兩個鐘 ……… 好彩排前面兩位0係黎自深圳0既姑娘, 佢地第一次黎清邁, 我地傾下有咩玩, 傾傾下先冇咁悶… 佢地仲叫我去附近行一陣, 攪到我走左去 Herb Basics 掃左一堆貨..
我0既畫像終於出爐啦….. 包包面盡現人前~~~ 哈哈哈哈 ~~
原來比人畫都幾累, 當然我覺得等待0既過程都係非常累….
畫完呢幅畫, 所有檔口都收哂檔啦!! 下次再行啦~ 周日夜市~~
~ Day 3 完 ~
)好想買蚊香!! 見到超市, 入去望望先
見到啦~~ 哼哼~~
久別重逢0既夜市啊~~~
相信睇過清邁遊記0既大家對佢地都唔陌生
我都駐足細心欣賞左一陣佢地0既音樂
真係好靚, 但香港人有幾何0係屋企點蠟燭….
掃下街先!
好鐘意同好欣賞泰國人樂天性格, 呢 D 雞蛋唔係第一次見, 但每次都忍唔住影低!!
微笑之國
黎左 3 日, 第一次食芒果糯米飯!
夜市都有蚊香買!
又係好靚但買左返屋企好少用的燈! 屋企仲有包~ 哈哈!!
我只係行左周日夜市 1/3, 就已經完結啦………….
點解呢? 因為我遇到佢….
畫 Q 版人像0既畫家!! 太似啦!!!
見前面只係得 3 個人, 決定排隊 ~~
點知… 最後企左兩個鐘 ……… 好彩排前面兩位0係黎自深圳0既姑娘, 佢地第一次黎清邁, 我地傾下有咩玩, 傾傾下先冇咁悶… 佢地仲叫我去附近行一陣, 攪到我走左去 Herb Basics 掃左一堆貨..
我0既畫像終於出爐啦….. 包包面盡現人前~~~ 哈哈哈哈 ~~
原來比人畫都幾累, 當然我覺得等待0既過程都係非常累….
畫完呢幅畫, 所有檔口都收哂檔啦!! 下次再行啦~ 周日夜市~~
~ Day 3 完 ~
沒有留言:
張貼留言