今日出發去 Pai , 拜縣, 泰國電影 Love in Pai 取景的地方
三年前, 雜誌介紹過呢個地方, 當時我望住個封面同自己講, 呢個地方好靚, 我將來要去!!
而呢本雜誌, 我亦一直放在書櫃!!
不過呢個地方, 如果唔自駕, 真係會有少少難度, 因為景點太分散, 而且無 Tuk Tuk 無雙條無 taxi ... (而家已經有 taxi 啦) 所以好多去過0既朋友都話, 有伴先一齊去啦... 等下又等下, 已經過左三年...
人生有幾多個三年, 三年又三年... 哼!!! 終於, 我決定唔再等啦!!!!!!!! 就算我包車, 參加 one day tour, 我都要去!!! 我要挑戰拜縣 762 個彎!! 我要親眼見到黃色小屋!!
就係我出發前無耐, 同當地朋友傾開, 佢知道我一個人去 Pai, 就話不如同我一齊去, 又可以幫我影相又可以車我!! 實在太好啦!
出發日, 食早餐先!
食完早餐朋友都黎左搵我, 見酒店咁靚我地都0係酒店影左 d 相~~
本來想經 aya service 訂車票, 點知佢地話唔買回程就唔可以 wechat 訂, 咁算啦! 朋友話而定淡季, 食完 lunch 就直接去車站坐車啦!
Check out 後 keep 低行李, 我帶左當地朋友去食烤雞!! (無錯, 係我帶佢, 佢都未去過, 哈哈)
燒雞店位於 Nimmanhaemin Road soi 2 與 soi 4 之間小巷
(即 Nimman Mai Design Hotel 同一巷)
以下地圖0係 Nimman Mai Design Hotel website download :
認住呢個鋪面
留意營業時間係：11am-8:30pm
逢星期一休息
看圖點菜
粟米沙律 (少辣都好辣)
烤雞
記得上次叫左一份同朋友 share, 我好想再食, 點知朋友阻止左我!
今次我同朋友一人一份
太滿足!
食完返酒店拎行李, 我今次帶左兩個行李箱黎清邁!!
大的行李箱寄存酒店, 帶小行李箱去 Pai, 因為 Pai 回程坐飛機有重量限制 (15kg) 呢!
酒店問我地去邊, 我話打算去車站坐車去 Pai, 酒店前台話可以幫我訂車票, 200 bhat 一張!!!
我去車站直接買飛都要 150 - 180 bhat, 當然 OK 啦... 點知一問之下, 原來 5 點先有車!!!!
簡直晴天霹靂 , 果下超後悔點解唔早 D 問酒店!! 我今次實在太大意啦!!
算啦, 已經改變唔到0既事後悔都無用, 只可以改變自己0既心情~
仲有 2 個幾鐘, 不如周圍去下啦! 橫掂都未去過清邁大學, 不如去行下啦! GO GO GO~
聽聞話遊客唔比入又好似要比錢, 我都唔清楚, 因為我地一直入到學校非常順利~
泰國那些年的學生
好寧靜
本來想買杯嘢飲坐下, 但有蚊!! 雖然話心靜自然涼, 但 D 汗都係不停咁流...
我決定改去 CAFE 坐下涼冷氣 ....
沒有留言:
張貼留言