糖糖一人遊泰十日之清邁潑水之旅 (Day 6)

<Day 6>

The best cooking school -> U Chiang Mai Hotel ->

Old Chiangmai Thailand Cultural Center 食皇帝餐

今日要轉酒店, 報名果陣同學校講左, 

0係 Small hotel 接我, 之後就送我返新酒店~ 

食完早餐 check out 後就落 lobby 等.  

今日天陰陰咁.. 

等左一陣身兼司機+大廚+老闆0既 Mr. Handsome 

黎接我啦, 我係最後一個被接0既, 

之後就出發去菜市場啦! 

Mr. Handsome 超攪笑, 佢成日叫我地望住佢, 

因為佢靚仔喎! 

我仲0係市場好快手咁買左支辣椒醬同

一包泰式紅茶葉添!!

之後, 老師就車我地去佢屋企啦..

今日0既同學有兩位日本人, 其他全部都係外國人~

首先煮0既係湯, 我揀左椰汁雞湯 (可以揀冬陰公)

日本媽媽幫手炒春卷餡

青木瓜沙律同芒果糯米飯由老師示範~ 

之後係學煮青咖哩

仲有 Phad Thai

我的完成品:

大家齊齊自食其果!! 哈哈哈哈

飯後老師表演花式雕西瓜!!! 

當然睇完大家都唔識雕啦... 

超靚呢... 好開心咁過左大半日... 

之後老師就送我返我要住0既 U Chiang Mai 啦!! 

(就係今次旅行0既獎品之一!!)

上到房, 每間房都有一個大露台!!! 可以望到泳池!!

請 reception 小姐幫我預訂左皇帝餐, 我就沖返個涼休息一陣 hea 下, 上下網 (酒店有 24 hrs free wifi) ~ 夠鐘就落 lobby 等車黎接! 

皇帝餐係任食, 所有飯湯餸都係任添, 

飲品就要自費啦, 不過冇所謂啦... 

坐第一行, 正! 冇人遮擋, 之後仲上左台一齊跳左陣! 

食飽飽就有人接送返酒店, 酒店夜景都幾迷人 

~Day 6 完~