<Day 4 - 17 Apr 2011>
Small Hotel -> Wat Phra Sing ->
Lila Spa -> Sunday Market (上)
住左幾日 Suriwongse, 今日要轉 Small Hotel 啦 ~~~
食完早餐慢慢執下行李, receiption 小姐話 small hotel 好遠,
叫我搭 tuk tuk or taxi, 後來先發現好近!
(不過算啦, 我 D 行李都好重)
去到要等一陣先上房, 佢地比左杯 welcome drink 我,
好冰凍好好飲架!
等左陣終於可以上去啦, 原來佢地係幫我開定冷氣呀!!!
Small hotel 當然名符其實好細, 但佢地提供 24 免費 wifi,
加上房間光猛! 我一去到感覺好好呀!!
仲有個小露台, 不過一開門就飛左幾隻蚊入黎~~~ 即刻關門.. 影下個泳池先, 真係細得好緊要!!
休息左陣就諗住出街, plan 左今日去 sunday market
但仲有幾個鐘, 於是問下 reception 附近有咩睇~
佢地提議我去帕邢寺 Wat Phra Sing,
又近 sunday market 而且幾靚~
好啦! 坐雙條 20 bhat ~
去到附近食野, 隨便搵左一間 cafe shop,
唔記得影門口, 0係 The Oasis Spa Lanna 對面
環境都幾優美, 我一入去問佢有咩食,
佢話三文治 or phad thai, 就 phad thai 啦..
叫多杯橙汁~
食完埋單, 嚇左我一大跳!!!!
總共係 .............. 60 bhat ~
碟 Phad thai 只係 20 bhat 咋~~
之後行返去帕邢寺, 見到架 donut 車, 好 cute~
我對寺廟興趣真係不大, 所以影左幾張相就走啦~
沿路行去 Sunday market 條路, 都有 d 特色店
這間小木屋我之前上網睇過, 可惜冇冷氣~~
當我行到 Lila spa 門口, 突然落雨~~~
於是就入去做左個油按同修腳~~
一個人去旅行最自由就係咁~
Lila spa 係一個女獄警開0既,
入面0既按摩師全部都係犯過事0既人,
不過佢地都改過自新啦..
幫我修腳果女仔手上仲有刀痕!! 佢識國語架!!
0係 Lila spa 出黎之後 sunday market 好多檔都準備緊啦~
行行下又頭痛, 去坐低飲杯水食 d 甜野...
之後入 boots 買左排頭痛藥, 食完真係冇咩事!
不經不覺行左 3 個幾鐘, 都比我行哂成個 sunday market ~
記得行 Sunday Market 見到喜歡0既就買啦...
之後好難搵返個檔架!
最後買左少少野食就搭雙條返酒店喇!
~ Day 4 完~
Day 5 預告 : Jungle Flight !!
|
沒有留言:
張貼留言