糖糖一人遊泰十日之清邁潑水之旅 (Day 7)

<Day 7>

U Chiang Mai Hotel -> Wanlamun ->

Mandarin Oriental Chiang Mai -> Good View

黎左清邁幾日, 差唔多日日都有活動.. 

又潑水又去清萊又 Jungle Flight 又 Cooking Class ... 

今日終於整日都 "自由活動" 
(哈哈, 其實日日都超 free 超自由) 

U Chiang Mai 這間酒店最特別0既地方就係個早餐

係由 6 am 開始可以食, 直到夜晚 10 點~ 無錯, 係夜晚~

仲可以隨你鐘意0係餐廳食又得, 房食又得, 泳池邊食又得, 

我估電腦房同 lobby 大堂都得!! 

所以今日我冇較鬧鐘, 平時放假0係香港起碼訓到 12 點0既我

竟然 8 點半就自然醒啦!!

起身叫左早餐就慢慢梳洗等早餐到, 早餐有 6 款可以選擇, 

我選擇0既係 U big breakfast! 超豐富, 見到就開心!!

一邊上網同0係香港工作中0既朋友仔傾下計, 一邊食早餐~

又走出露台望下人游水曬太陽... 超舒服!  

好啦, 係時候出去行下~ 
決定去前兩日去唔到0既 Wanlamun 食 lunch, 

慢慢行過去先~ 今日好好太陽呀!

經過一間小店係賣銀器的, 入去望望順便涼下冷氣~ 

我好鐘意雞蛋花, 當時就諗如果有雞蛋花耳環就買啦~ 

點知真係有.. 仲要成 995 bhat 呀~ 
中間粒唔知咩石係黃色0既, 我就諗, 

如果再見到係粉紅色先考慮啦... 
點知又真係有~

我0係鋪頭入面諗左 15 分鐘, 
嘗試講價但唔成功... 最後都買左!! 

之後仲撞到前幾日玩 Jungle Flight 0既上海情侶~ 

佢地當日就離開清邁啦~ 我就玩多日! 

好啦!!! 慢慢步向令我極度後悔0既餐廳... 

關於這間餐廳0既恐怖經歷就留意之前0既一篇

恐怖經歷 - 清邁 Wanlamun 餐廳啦! 唔再 POST 啦! 

離開左間餐廳之後, 心入面有十個灰.... 

行返出路邊截左架 tuk tuk 叫佢車我去文華東方!!!! 

心諗, 冇大強喇呱!!! 

可以坐佢地架馬車遊覽酒店環境~~ 免費架~~ 

酒店0既大堂:

做 spa 0既地方:

一間間的 Villa:

做 yoga 的地方:

游泳池:

小朋友玩0既地方(!):

笑容滿面的 STAFF 

有隻松鼠超快咁爬左上樹!! 

酒店真係超大!!! 

好靚呀!! 我好鐘意閃閃同馬賽克架!! 

即刻落車跑過去影影影~ 

馬伕好好人, 
沿途都會用佢有限0既英文同我講解酒店0既設施, 

仲會停低比我行下影下相, 
之後再車我去食下午茶0既地方, 

落車之後我比左幾十銖比佢, 佢超開心勁多謝我!! 
我都多謝佢呢.. 

去酒店入面0既 Oriental Shop

我點左 :

今次真係飲乜食乜都影一餐!!!! 

件朱古力蛋糕真係超 rich 超漏.... 
最後打包左返酒店...

必食0既有佢地0既 macaron, 
12 Bhat 一粒 (即大約 HK$3) , 
好好味!!! 

好味過曼谷文華好多好多好多.. 
因為清邁文華做 macaron 個師傅係好出名, 

曼谷文華0既食譜都係出自清邁個師傅!
我仲買左兩盒, 

一盒自己食, 一盒送比 U Chiang Mai 酒店0既 staff~~ 

之前上網見到沿路行返出去可以坐雙條返市區, 
沿路這隻狗狗勁跟住我!

等左好耐都等唔到.........
唯有行返酒店 call 的士....... 

隻狗狗今次跟左我好耐....... 

我停佢又停.. 仲扮野望第二度... 好好笑!!

返到酒店 call 的士, 要等成 15 mins 先有車.... 
其間仲見到好多四腳蛇~~

一落的士見到貓貓0係酒吧門口訓覺 (飲醉左?) 

真係好悠閒.... 生活0係清邁真係好呀~~

返到酒店沖返個涼休息下, 仲 upload 隻大強比 d 朋友睇...

今晚係0係清邁0既最後一晚啦, 仲未去 Ping River , 

一於去到再決定去邊間食野!

去到見到 Good View 都幾多人, 又有音樂聽... 

正想影相先發現張 SD card 漏左0係酒店!! 

唯有用手機影左幾張啦... 

開頭坐河邊, 但實在太多蚊啦! 我噴左蚊怕水都冇用... 
於是坐返入面又可以聽歌!

食飽飽再去埋永源行下

就搭車去夜市作最後衝刺~~ 

第二日就要離開清邁啦..................... 
真係超唔捨得呀!!! 

清邁真係一個迷人0既地方, 有種神奇0既魔力, 

令去過0既人都會深深愛上佢.... 

~ Day 7 完 ~