糖糖一人遊泰十日之清邁潑水之旅 (Day 2)

今日係重點行程!! 潑水!!!

到步第一晚我已經0係夜市準備左防水袋一個 

不過時間尚早, 落樓食左早餐先~ 

之後0係酒店附近行下~ 

Le MERIDIEN 就係對面, 本來打算星期日0係度食 brunch, 

點知食完早餐之後都係好飽最後放棄~ 唔緊要, 留返下次!!! 

我住間酒店外觀~

舊翼0既大堂

夜晚都好多野食的餐廳

新翼的 reception

問一問, 原來已經準備好同我換房, 
好啦, 咁我就上房執好 d 野等轉房!

轉房後, 一開門聞到陣味, 
佢地都幫我狂噴空氣清新劑... 

但間房真係好暗!! 只有台面一支燈同浴室燈... 

我猛同佢地講間房好暗, 佢地唔明... 
於是拎左 Roger 本泰文書出黎搵... 

比我0係 SPA 篇度搵到太暗0既泰文, 
仲搵到頁係問間房有冇鬼0既... 

佢地即時哈哈大笑, 
又話做左十年無見過鬼等等... 
(一定話無啦, 咁我又真係遇唔到0既)

又即刻走去拎支台燈去床頭~ 

仲話一陣再幫我加多支0係浴室旁, 
我見行李又轉哂, 姐姐們咁熱心我唔忍心又轉房~

好啦!! 唔想留在酒店, 一於出去玩啦!! 

首先出發去台灣人辦雜誌0既地方 
(即係背包鼎鼎大名0既500大)

諗住報 local tour 同埋問下佢地去邊度潑水 
(之前係完全無 idea, 只知道... Let's get wet ~~ )

酒店職員好好, 我問佢邊度買水槍佢親身帶我去!! 
仲幫我講價, 叫埋 tuk tuk .. 

我比 tips 佢都唔收 
(唔知係咪因為前一日佢幫我拎行李收左呢... 
又或者太小事?)

好啦, 帶住水槍坐 tuk tuk ~

當時全身都仲好乾~ 仲周圍拍下~

 一秒後 

由頭髮到腳都係....................................... 冰水!!!!!!!!

經過城門河.. 已經好多人潑緊啦!

好彩我都有支水槍還擊下... 

去到雜誌社, 
佢地竟然同我講今日有幾個台灣人 join 左包車一齊潑水
問我要唔要參加!!

當然 join 啦!!!!!!!

老闆仲叫我去附近食個雞飯先!

味道普通~ 都係曼谷水門街好味 d ~ 

其實當時我已經全濕, 全身凍冰冰, 可能食咩都冇味啦!! 

返到雜誌社等人齊, 我認識左兩個台灣人, 仲約埋參加之後0既清萊一日遊 / Jungle Flight

另外再報名參加 cooking class!!

對面女仔不停潑, 我企0係門外曬太陽 (想曬乾件衫) 

好啦!!! 人齊差唔多可以上車啦!!! 

出發啦!!! 好快到左戰區~

其間不斷被人用冰水狂潑, 我們也努力還擊~~ 

尖叫聲, 笑聲不斷~~ 

但我地無冰, 感覺好蝕底呀!!

終於有冰賣啦!!!

大戰完返酒店梳洗, 真係超累但超開心~~  

之後再去夜市行下

順便食晚餐, 今次坐街邊~

買左幾個肥皂花~

見到有得畫指甲~~ 有個超靚鬼妹比人畫緊.... 
我問佢可唔可以影下佢隻手, 

佢好 nice 咁比我影~
(其實佢好靚女, 但我唔好意思影佢)

我冇整甲, 所以只係塗指甲同畫花, 大約 180 Bhat ~ 

~ DAY 2 完~

~ Day 3 預告 : 清萊一日遊, 不幸中暑 ~