糖糖邊走邊拍清邁 Pai (Sept 2014) - Day 5 下

呢度我都唔知係邊度, 只係見到覺得靚就停低!!







坐0係呢張吊椅, 望住一大片風景, 我突然諗起一 d 傷心0既往事.....

果一刻, 我決定要將果 d 回憶, 0係呢度扔哂出去.......

我無諗過塞0係我心底入面0既石頭, 會突然變得咁輕咁輕, 或者係因為, 我從來無諗過我會有一日坐0係度, 望住呢個景............

活在當下, 先係最重要吧........



我鐘意呢張相, 就係因為朋友無意間替我記錄左呢一刻.... (突然好感性添)







好戲劇性咁, 天空出現彩虹... 簡直同我心情一樣~~ amazing!!






下一站.... Mari Pai Resort!!

黎呢度絕對係為左影呢個! 超級大樹秋千~~~



估唔到特別加送彩虹一條







好夢幻呢~~~~~~~~~~~~~

呢度其實係酒店, 房間係獨立屋型式, 仲有汽車屋, 不過我唔係太喜歡佢的設計, 所以無住呢度, 唔係住客都可以入黎影相, 不過當然要保持禮貌, 將音量收細啦! (酒店大堂貼左呢個告示, 可能有 d 遊客真係太嘈啦)

影完呢張超級夢幻相, 我已經累到極點... 我宣佈要收工返酒店梳洗!!

粉紅色的花樹......... 令呢條小路感覺好浪漫~~



梳洗後都天黑... 終於可以去步行街行下啦...



可惜即影人像 postcard 鋪頭無開... 影唔到獨家 postcard 寄比朋友仔...

我同朋友拖住極疲累的身軀求其入左間鋪頭食嘢, 只有氣力影食物相....









四樣嘢 total 400 bhat

終於到最後最後一個景點啦!!! Pai Republic!! 黎到 Pai, 寄明信片好似係所有遊客必做0既事!







0係經過 762 個彎先黎到0既小鎮寫明信片, 明信片應該都要經過 762 個彎先再坐上飛機吧....
朋友們, 我真係好想同你地分享我此時此刻的心情呢!!!









好想0係酒吧飲返杯, 可惜酒店車遲過 9 pm 唔出黎, 所以最後買左罐啤酒坐0係露台睇月光 hea 下休息下, 結束 Pai 縣最後一夜...



~ Day 5 完 ~