糖糖邊走邊拍清邁 Pai (Sept 2014) - Day 7 下

影完相, 朋友話肚餓啦!! 無問題, 我地去食烤魚

呢間烤魚我 3 月都黎過, 0係古城 VIENG MANTRA 酒店對面!! 周日市場果條路, 塔珮門方向一直行, 見到呢間 COFFEE 再行前少少...



右手邊巷仔入, 巷仔外有以下路牌

店名係 LERT ROS





我地的午餐





雖然個樣唔係好靚, 但真係好好味
(夜媽媽煮雞見到真係好想食...)





對面就係 VIENG MANTRA 酒店



食完我就拉朋友去 THA PHAE GATE 影相, 黎左清邁咁多次, 我從未0係塔珮門留影呢!!









好大舊黑色0既雲!!!



唔對路, 我同朋友即刻搵地方避!! 一行返入古城就落大雨啦!





唯有坐低飲杯嘢欣賞下雨景! 其實我都算好運, 朋友話我黎之前都成日落雨, 我到步之後咁多日都晴天, 係將近走先落雨... 可能清邁都唔捨得我...

坐左半個鐘左右, 雨停啦~~
再拉朋友去另一個我覺得必影0既地方 - Wat Chedi Luang Worawihan (柴迪隆寺)





坦白講我對寺廟其實唔算有興趣, 所以雙龍寺到而家都仲未去過呢... 但對 Wat Chedi Luang 就係有另一種感覺!

朋友的作品







水中倒影... 影出黎效果原來好好呢...





















下一站... Wat Suan Dok





呢度其實係一個墓園!

我記得有一次坐 Tuk tuk 去前文華東方, 當時我拎住旅遊書比司機睇, 司機就帶左我黎... 當時我已經覺得呢度好宏偉, 一座座白色0既建築物, 旁邊有一座金色的, 好獨特!!





朋友帶左一條印度 saree 比我著.. 不過由於我無準備同唔識著的關係, 完全著唔出份感覺... d 布捲住哂我覺得自己似腸粉..... 不過鮮紅色0既裙0係白色建築群入面, 真係好 sharp!





影左幾張相, 感覺唔太好, 加上著住 saree 好似郁唔到咁, 朋友又叫我不斷來回跑...累爆...

去返 Nimmanhaemin road

朋友駕住電單車, 見到邊度靚就停低, 所以我都唔知邊條 Soi 啦...
影左 d cafe, 花花, 路邊咁...



呢間我知... 係 Soi 5 !!





我好鐘意呢隻貓貓呀~~ so cute!!



影完都開始天黑啦!!

夜晚仲有邊度好影呢... 我諗到......... 

The Habour!

我地用 GPS 導航, 估唔到 GPS 帶我地穿過一條又一條又黑又靜的小路, 我地都有懷疑過, 最後竟然係穿過好似元朗村屋的小路到達左 The Habour 的後門!!!!!!!!! GPS 真係太神奇啦!!







泰國龍友 + 泰國美少女





呢度都有 Beauty Buffet





如果呢度開燈會靚好多呢....



我覺得 The habour 影相都係一般呢... 唔需要特登坐車黎啦!! 入面都冇咩鋪頭開門...

今日係星期六, 最後一站我地去周六夜市晚餐同行下















即煮辣辣海鮮麵, 好味不過好辣啊!!









今次旅程的最後一夜啦~~
值得一提係我一返到酒店好似電話無電熄左機咁未落妝未沖涼就訓著左, 3 個鐘之後先有返少少電起身落妝沖涼...可想而知係幾累...........

~ Day 7 完 ~